GUDU NA INI GADO WORTU | YESAYA 52-57
Krestes pina fu wi ede
„Sma wisiwasi en èn den wai pasi gi en. . . . Wi si en leki wan sma di abi wan takru siki, di nyan pina, èn di Gado strafu”
-
Sma ben e wisiwasi Yesus èn den ben taki dati a ben taki ogri fu Gado. Son sma ben denki taki Gado ben e strafu en, iya, a ben gersi leki Gado ben meki wan takru siki pina en
„Yehovah ben feni en bun fu meki a nyan pina. . . . A o du ala san Yehovah feni bun”
-
Wi kan de seiker taki a ben hati Yehovah di a si fa sma kiri en Manpikin. Ma Yehovah ben prisiri srefisrefi fu si taki Yesus tan gi yesi na en na ini ala sani. A dede fu Yesus sori taki Satan no ben abi leti di a taki dati tru anbegiman no o tan gi yesi na Gado te pina miti den. Boiti dati, a dede fu Yesus e tyari wini kon gi libisma di abi berow. Sobun, a e sorgu taki „ala san Yehovah feni bun” pasa
