Na ini Yesaya kapitel 65, Yehovah pramisi taki a o meki sani kon bun baka. Wi kan de seiker taki a sani disi o kon tru.

65:17

San na den nyun hemel?

• Na wan nyun tirimakti di o seti sani kon bun baka na grontapu

• A tirimakti disi seti na ini 1914 di Krestes tron Kownu fu Gado Kownukondre

San na a nyun grontapu?

• Na wan libimakandra fu sma fu ala kondre, lo nanga tongo. Ala den sma disi o prisiri fu saka densrefi na ondro a tirimakti fu Gado, a nyun hemel

San a wani taki dati sma no o memre den fositen sani moro?

• Na ini a nyun grontapu dati, sma no o memre sari sani moro, fu di siki, problema, nanga broko-ede no o de moro

• Reti-ati libisma o prisiri trutru fu a libi èn den o de nanga tangi gi den moi sani di den o ondrofeni ibri dei