WI KRESTEN LIBI
Tan wakti èn horidoro
O langa yu e wakti kaba fu a Kownukondre fu Gado kon? Yu e wakti nanga pasensi aladi tesi e miti yu? (Ro 8:25) Son Kresten e kisi hebi tesi. Kande na fu di sma no lobi den, fu di sma e du ogri nanga den, fu di sma e poti den na strafu-oso, èn fu di sma wani kiri den. Furu trawan e siki noso den kon owru.
San o yepi wi fu tan wakti fayafaya awinsi sortu tesi miti wi? Wi musu leisi Bijbel ibri dei èn wi musu denki dipi fu den sani di wi e leri. Disi o tranga a bribi fu wi. Wi musu tan poti prakseri na a howpu fu wi (2Kor 4:16-18; Heb 12:2). Wi musu begi Yehovah fu gi wi en santa yeye (Lu 11:10, 13; Heb 5:7). Wi lobi Tata kan yepi wi fu „horidoro nanga pasensi èn nanga prisiri awinsi san e pasa”.—Kol 1:11.
LUKU A FELEM WI MUSU „HORIDORO TE WI E LON A STREILON”—ABI A BRIBI TAKI YU MAN WINI A PRIJS. BAKA DATI, PIKI DEN AKSI DISI:
-
Sortu ’sani di wi no e fruwakti’ kan miti wi? (Pr 9:11)
-
Fa begi e yepi wi te tesi e miti wi?
-
Te wi no man du so furu moro na ini a diniwroko fu Yehovah, dan fu san ede wi musu tan poti prakseri na den sani di wi man du ete?
-
San e yepi yu fu tan abi a bribi taki yu o man wini a prijs?