Na Arki Gado-brochure e leri sma prenspari tori fu Bijbel nanga yepi fu prenki. A meki gi sma di no man leisi bun. Ibri les de na tapu tu bladzijde èn den abi moi prenki di e leri sma prenspari sani. Den prenki abi wan pijltje di e sori sortu prenki yu musu luku baka a trawan.

A brochure Arki Gado èn libi fu têgo abi den srefi prenki leki na Arki Gado-brochure. Ma moro sani skrifi na ini na Arki Gado e libi fu têgo brochure èn yu kan gebroiki en fu studeri nanga sma di sabi leisi. Furu preikiman e gebroiki a brochure disi aladi a Bijbelstudie e gebroiki na Arki Gado-brochure. Furu fu den bladzijde abi wan faki pe moro sani skrifi fu a tori. Efu a kan, yu kan taki fu den sani disi nanga a Bijbelstudie.

Yu kan prati a brochure disi o ten yu wani, awinsi a no skrifi taki wi musu prati en na ini a mun. Te yu e hori wan Bijbelstudie, dan gebroiki den prenki fu fruklari a Bijbel tori. Poti aksi di o meki a sma taki fa a e denki èn di o yepi yu fu si efu a frustan a tori. Leisi èn taki fu den Bijbeltekst di de na ondrosei fu ibri bladzijde. Baka te yu kaba nanga a brochure, dan studeri a buku San Bijbel e leri wi trutru? noso San Bijbel kan leri wi? fu yepi a studenti fu go na fesi so taki a kan teki dopu.