Gado poti Yeremia leki profeiti fu warskow den Dyu taki den ben o kisi pori fu di den ben frigiti Yehovah, a Gado fu den (Yer 13:25). Fu san ede a pipel no ben du a wani fu Yehovah moro? Fu di a bribi fu den osofamiri na ini Israel ben kon swaki. Soleki fa a sori, dan den osofamiri-edeman no ben teki a rai fu Yehovah di skrifi na Deuteronomium 6:5-7.

Te osofamiri na ini a ten disi abi wan tranga bribi, dan a heri gemeente o dini Yehovah fayafaya. Osofamiri-edeman kan yepi den osofamiri fu no frigiti Yehovah. Den kan du dati te den e hori na Osofamiri Anbegi ibri wiki èn te den e hori en na so wan fasi taki a bribi fu ala sma kan kon moro tranga (Ps 22:27). Luku a felem „Den wortu disi musu de na ini un ati”—Osofamiri Interview, dan piki den aksi disi:

• San meki taki a ben muilek gi son osofamiri fu hori na Osofamiri Anbegi ibri wiki, ma san yepi den?

• San na wan tu blesi di wi e kisi te wi e hori na Osofamiri Anbegi ibri wiki èn te ibri sma na ini na osofamiri e kisi wini fu en?

• San e meki en muilek gi mi fu hori na Osofamiri Anbegi èn san mi o du fu lusu a problema dati?