• Gebroiki yu eigi adres. Efu yu feni taki a no ben o de wan koni sani fu gebroiki yu adres, yu kan gebroiki na adres fu a Kownukondre zaal efu den owruman gi yu primisi fu du dati. Ma NOITI yu musu gebroiki na adres fu a bijkantoro.

• Gebroiki a nen fu a sma efu yu sabi dati. Disi o meki a sma si taki a brifi na gi en spesrutu.

• Luku bun taki yu skrifi sani bun èn taki yu no meki fowtu na ini a brifi. A brifi musu de netjes. Efu yu skrifi en nanga anu, dan a sma musu man leisi en makriki. Den sani di yu e skrifi musu sori a sma taki yu abi lespeki gi en.

A brifi di yu e si dyaso e poti prakseri na den penti disi. Na eksempre disi no meki fu skrifi ibri wortu abra te yu e skrifi wan sma na ini yu kontren. Kenki san de fanowdu na ini a brifi so taki a fiti a sma di yu wani seni en gi èn hori den gwenti nanga a situwâsi na ini a kontren fu yu na prakseri.