Tesi kan meki wi lasi-ati, spesrutu efu a de fu wan langa pisi ten. David ben sabi taki a situwâsi fu en nanga Saul, di ben de wan tesi gi en, ben o kon na wan kaba wan dei èn taki en ben o tron kownu soleki fa Yehovah ben taki (1Sa 16:13). A bribi fu David ben yepi en fu abi pasensi èn fu wakti tapu Yehovah.

Te wi e kisi tesi, wi kan du sani nanga koni fu kenki a situwâsi (1Sa 21:12-14; Odo 1:4). Ma toch son problema o tan awinsi wi du sani leki fa Yehovah wani. Efu dati de so, dan wi musu abi pasensi èn wakti tapu Yehovah. Heri esi a o puru ala pina èn „a o figi ala watra puru” na wi ai (Opb 21:4). Efu a problema fu wi lusu fu di Yehovah srefi du wan sani noso efu a lusu na wan tra fasi, wi kan de seiker fu wan sani: Ala tesi o kon na wan kaba wan dei. Disi kan de wan trowstu gi wi.

LUKU A FELEM YEHOVAH PIPEL DE WÁN AWINSI GRONTAPU PRATI. BAKA DATI PIKI DEN AKSI DISI:

• Sortu problema ben miti son Kresten na a zuidsei fu Amerkankondre?

• Fa den sori taki den ben abi pasensi nanga lobi?

• Fa den tan poti prakseri na „den moro prenspari sani”?​—Fp 1:10