David ben wini Goliat fu di a ben e frutrow tapu Yehovah (1Sa 17:45). Yehovah wani gebroiki en krakti fu yepi ala den futuboi fu en (2Kr 16:9). Fa wi kan sori taki wi e frutrow tapu Yehovah na presi fu frutrow tapu wi eigi koni nanga ondrofeni? Luku dri fasi fa wi kan du dati:

• Begi furu. No begi nomo fu Yehovah gi yu pardon baka te yu meki wan fowtu, ma begi en tu fu gi yu krakti te yu e kisi a firi fu du wan sani di no bun (Mt 6:12, 13). No begi nomo fu Yehovah blesi den bosroiti di yu teki kaba, ma aksi en tu fu yepi yu èn fu gi yu koni fosi yu teki wan bosroiti.​—Yak 1:5

• Abi a gwenti fu leisi èn fu studeer Bijbel. Leisi Bijbel ibri dei (Ps 1:2). Teki ten fu denki dipi fu den eksempre na ini Bijbel, èn du san yu leri fu den (Yak 1:23-25). Sreka yusrefi gi a preikiwroko na presi fu frutrow tapu yu eigi koni. Sreka yusrefi bun gi den konmakandra, so taki yu kan leri furu fu den

• Wroko makandra nanga na organisâsi fu Yehovah. Kon sabi den nyun fasi fa na organisâsi e du sani, èn wroko makandra nanga en wantewante (Nu 9:17). Arki den owruman te den e gi yu rai èn du san den e taki.​—Heb 13:17

LUKU A FELEM WI NO ABI FU FREDE FRUFOLGU. BAKA DATI PIKI DEN AKSI DISI:

• Sortu sani ben meki taki den brada nanga sisa kon frede?

• San yepi den fu no frede moro?