DU MUITI FU TRON WAN MORO BUN PREIKIMAN | KON ABI MORO PRISIRI NA INI A PREIKIWROKO
Taki nanga faya
Te wi e taki nanga faya dan dati kan abi krakti tapu den sma di e arki wi. Den o poti moro prakseri na den sani di wi e taki. Te wi e taki nanga faya, dan dati e sori tu taki wi lobi a boskopu di wi e prati. Awinsi sortu sma wi de, wi alamala kan leri fu taki nanga faya (Ro 12:11). Fa wi kan du dati?
A fosi sani, na fu prakseri o prenspari a boskopu fu wi de. Yu abi a grani „fu preiki bun nyunsu fu wan moro bun sani!” (Ro 10:15) A di fu tu, prakseri fa a bun nyunsu kan yepi den sma di e arki yu. Den musu yere a boskopu disi (Ro 10:13, 14). A di fu dri, taki nanga faya. Den gebaar di yu e meki èn a fasi fa yu e poti yu fesi musu meki sma si fa yu e firi fu a tori di yu e taki.
LUKU A FELEM YU O PRISIRI TE YU E MEKI DISIPEL—FA YU KAN DU EN MORO BUN—TAKI NANGA FAYA. BAKA DATI PIKI DEN AKSI DISI:
-
San ben meki taki Neeta no ben e prisiri moro fu studeri nanga Jade?
-
San yepi Neeta fu kon de baka nanga prisiri?
-
Te wi e taki nanga faya, dan disi kan abi krakti tapu trawan
Fu san ede wi musu poti prakseri na den bun fasi fu den sma di e arki wi?
-
Sortu krakti a kan abi tapu den Bijbelstudie te wi e tan de nanga faya?
