Wan bun wefi na wan bigi yepi gi en masra. Na ini a ten fu Kownu Lemuwel, wan man di ben e sidon na mindri den owru man na den portu fu a foto, ben abi wan bun wefi (Odo 31:23). Na ini a ten disi lespeki brada e dini leki owruman nanga dinari. Efu den trow, dan den brada disi kan de wan bigi yepi gi a gemeente te den wefi e tyari densrefi na wan bun fasi èn te den wefi e horibaka gi den (1Ti 3:4, 11). Den masra fu den bun wefi disi abi furu warderi gi den èn a gemeente abi furu warderi gi den tu.

• fu di a e taki na wan switi fasi fu gi en deki-ati.—Odo 31:26

• fu di a no e mandi te a gemeente abi en fanowdu.—1Te 2:7, 8

• fu di a de tevrede nanga san a abi.—1Ti 6:8

• fu di a no e aksi en sani fu a gemeente di a no mag sabi.—1Ti 2:11, 12; 1Pe 4:15