Efu wi wani taki den Bijbelstudie fu wi kon sabi Yehovah èn tron lepi Kresten, dan wi no musu leri den tru leri fu Bijbel nomo (Mt 5:3; Heb 5:12–6:2). Ma wi musu leri den tu fa den kan ondrosuku sani fu kon moro krosibei na Yehovah.

Leri den na a bigin kaba fa den musu sreka densrefi gi a studie èn gi den deki-ati fu du dati tu (mwb18.03 6). Gi den deki-ati fu begi ibri leisi fosi den studeri nanga densrefi. Leri den fu wroko nanga den wrokosani fu wi tapu Internet. Sori den fa den kan si den moro nyun sani di kon na tapu jw.org nanga JW Broadcasting^®. Leri den fu leisi Bijbel ibri dei, fu sreka gi konmakandra, èn fu go suku piki tapu aksi di den abi. Yepi den fu go denki fa den kan fiti den sani di den leri.

LUKU A FELEM YEPI DEN BIJBELSTUDIE FU YU FU STUDERI. BAKA DATI PIKI DEN AKSI DISI:

• Fa Neeta yepi Jade fu si taki fu studeri no wani taki fu sabi den piki nomo?

• San yepi Jade fu frustan taki Yehovah abi a reti fu taigi wi fu no abi seks fosi wi trow?

• Fa Jade kon frustan san a wani taki fu denki dipi?