Begi di Gado feni bun de leki den switismeri di sma ben gwenti bron na fesi Yehovah na a tempel (Ps 141:2). Te wi e fruteri wi Tata na hemel fa wi lobi en èn taki wi e warderi en, te wi e fruteri en san e gi wi broko-ede, san wi wani èn te wi e aksi en fu gi wi rai, dan wi e sori taki wi de nanga tangi taki wi abi en leki mati. A no de fu taki dati Yehovah e si den begi di wi e begi na den konmakandra leki wan prenspari pisi fu na anbegi fu wi. Ma na a tra sei Yehovah e prisiri srefisrefi te wi e begi wi wawan èn te wi e taki moro langa nanga en, aladi wi e taigi en krin fa wi e denki èn fa wi e firi dipi na ini wi ati.​—Odo 15:8.

PREI A FELEM ALA TEN MI E BEGI FAYAFAYA. BAKA DATI PIKI DEN AKSI DISI:

• Sortu grani Brada Johnson ben abi na ini na organisâsi?

• Fa Brada Johnson frutrow tapu Yehovah na ini begi?

• San yu e leri fu den sani di Brada Johnson ondrofeni?