Bun piki e tranga a gemeente (Ro 14:19). Srefi den sma di e gi den piki disi e kisi wini (Odo 15:23, 28). Dati meki wi musu pruberi fu gi piki na ibri konmakandra awansi na wán nomo. A no de fu taki dati wi no o kisi okasi fu gi piki ibri leisi te wi opo wi anu go na loktu. Dati meki a bun fu sreka yusrefi fu gi moro leki wán piki.

• Wan bun piki makriki fu frustan èn a syatu. Nofo tron 30 sekonde nofo fu gi wan bun piki

• Wan bun piki na te yu e taki nanga yu eigi wortu

• Wan bun piki na te yu no e taki baka san trawan taki kaba

• dan taki sani di makriki fu frustan èn piki na aksi krin

• yu kan taki fu wan Bijbeltekst di kari na ini a paragraaf

• yu kan taki fa a sani dati abi krakti tapu wi libi

• yu kan fruteri fa wi kan gebroiki den sani di wi leri

• yu kan fruteri wan syatu ondrofenitori di abi fu du nanga a tori