Yesus ben taki fu „a bun nyunsu fu Gado Kownukondre” (Lu 4:⁠43). A ben leri sma tu fa fu begi fu a Kownukondre disi (Mt 6:9, 10). Na ini a mun november, wi o du ala muiti fu taki spesrutu fu Gado Kownukondre (Mt 24:14). Sreka sani nownow kaba fu teki prati fayafaya na a wroko disi. Ala sma di wani go na ini a yepi pionier a mun dati kan wroko 30- noso 50-yuru.

Taki nanga so furu sma leki yu man fu Bijbeltekst di e taki fu Gado Kownukondre. Te yu o luku sortu tekst yu o gebroiki, dan hori a bribi fu den sma na prakseri. Efu wan sma wani sabi moro, yu kan gi en A Waktitoren No. 2 fu 2020. Suku fu go baka na a sma so esi leki a kan èn bigin wan Bijbelstudie nanga en na ini wan fu den buku fu a Teaching Toolbox. Heri esi a Kownukondre fu Gado o pori ala den tirimakti fu grontapu (Da 2:44; 1Kor 15:24, 25). Meki wi gebroiki na spesrutu okasi disi fu sori taki wi e horibaka gi Yehovah nanga en Kownukondre.