FU SAN EDE A PRENSPARI: Den konmakandra e gi wi na okasi fu „singi gi Yehovah” èn fu „prèise en” doronomo (Ps 149:1). Na den konmakandra wi e kisi leri fu du a wani fu Gado (Ps 143:10). Nofo tron Bijbelstudie nanga sma di wani sabi moro e go na fesi moro esi te den e kon na den konmakandra.

FA FU DU DATI:

• No draidrai fu gi a sma wan kari. Yu no abi fu wakti teleki a sma tron wan Bijbelstudie.—Opb 22:17

• Fruteri a sma san a kan fruwakti èn fu sortu sani wi o taki na a konmakandra. Wan tu sani di yu kan gebroiki fu du disi na: A papira fu gi sma wan kari gi den gemeente konmakandra, a felem San wi e du na ini wan Kownukondre zaal?, èn Pisi 5 nanga 7 fu A wani fu Yehovah-brochure

• Yepi a sma. Kande yu musu go teki a sma na oso noso kande yu musu yepi en fu feni bun krosi gi a konmakandra. Sidon na en sei na den konmakandra èn meki a luku na ini yu buku. Meki a kon sabi tra brada nanga sisa