Yu lobi gebroiki den felem nanga den aksi fu kon sabi fa sma e denki di de fu feni na ini a Koloku fu têgo!-buku? Fa yu feni den faki „Son sma e taki”, „Yu kan du a sani disi” nanga „Tra sani di yu kan du”? Sortu tra moi sani fu a buku disi yu kan gebroiki te yu e studeri Bijbel nanga sma?​—Mt 28:19, 20.

Felem, audio nanga artikel: Efu yu e gebroiki wan papirawan fu a buku te yu e hori wan Bijbelstudie, dan san na wan makelek fasi fu feni ala den felem nanga artikel na wán presi? Te yu abi a buku tapu tablet noso telefon, dan klik tapu wan fu den fo prenspari pisi fu a buku. (Luku prenki 1.) Go na ondrosei fu a lijst nanga den titel fu den les èn klik tapu „felem, audio nanga artikel”.

Luku fa a papirawan fu a buku de: Efu yu e gebroiki a buku tapu cel noso tablet fu studeri nanga wan sma di abi wan papirawan, dan a bun fu poti a buku tapu „Printed Edition”. Dan yu o si fa a papirawan fu a buku de. Opo wan les, druk tapu den dri pikin penti tapusei fu a scherm èn druk tapu „Printed Edition”. Na so yu o man si san a tori di unu e studeri abi fu du nanga a thema fu a les. Efu yu wani si a buku baka soleki fa yu gwenti si en tapu yu cel noso tablet, dan klik baka tapu den dri pikin penti èn klik tapu „Digital Edition”.

„Mi klari kaba?”: Na ini den faki disi di de krosibei na a kaba fu a buku yu kan leisi san yu musu du fu man preiki nanga a gemeente èn fu man dopu. (Luku prenki 2.)

Ete wan tu sani: Na a pisi disi yu kan leisi moro sani fu wan tu prenspari tori. Te yu abi a buku tapu cel noso tablet dan yu o si wan link na a kaba fu ibriwan fu den tori disi. Te yu klik tapu a link, dan a e tyari yu go baka na a paragraaf pe yu ben de. (Luku prenki 2.)