7-13 oktober
PSALM 92-95
Singi 84 nanga begi | Biginwortu (1 min.)
1. Dini Yehovah na a moro bun fasi fu libi!
(10 min.)
A fiti taki wi e anbegi Yehovah (Ps 92:1, 4; w18.04 26 ¶5)
A e yepi en pipel fu teki besroiti di e meki taki den de nanga prisiri (Ps 92:5; w18.11 20 ¶8)
A e warderi den wan di e dini en srefi na ini den owru dei (Ps 92:12-15; w20.01 19 ¶18)
AKSI YUSREFI: ’San e tapu mi fu gi misrefi abra na Yehovah èn fu dopu?’
2. Diki moro dipi
(10 min.)
-
Ps 92:5—Fu san ede wi kan taki dati den wortu ini a tekst disi e taki krin fu a koni fu Yehovah? (cl 176 ¶18)
-
Yu leri wan moi sani na ini a Bijbel leisipisi fu a wiki disi di yu wani prati nanga a gemeente?
3. Leisi Bijbel
(4 min.) Ps 94:1-23 (th les 5)
4. Bigin wan takimakandra
(4 min.) PREIKI NA IBRI OKASI. Suku wan fasi fu ferteri a sma fu a wroko di yu e du leki preikiman fu Gado wortu. (lmd les 5 penti 3)
5. Gobaka
(3 min.) PREIKI NA IBRI OKASI. Aksi wan sma di wani sabi moro, ma di no ben wani studeri ini a ten di psa, efu a wani yu studeri Bijbel nanga en. (lmd les 8 penti 4)
6. Meki disipel
(5 min.) Abi wan takimakandra nanga wan studenti di no e meki go na fesi. (lmd les 12 penti 5)
Singi 5
7. Te yonguwan abi furu broko-ede
(15 min.) Takimakandra.
Den sma di e dini Yehovah e kisi den srefi sortu problema di ala sma e kisi. Fu eksempre, David ben abi fu du nanga broko-ede furu leisi na ini en libi, na so a de nanga furu brada nanga sisa fu wi ini a ten disi tu (Ps 13:2; 139:23). A sari taki srefi yongu wan abi broko-ede. Son leisi broko-ede kan meki taki den sani di den gwenti du, soleki fu go na skoro noso komakandra e gersi wan hebi. A kan meki den bruya noso prakseri fu kiri densrefi.
Yonguwan, efu yu e firi taki yu e broko yu ede dan no draidrai fu taki nanga yu papa, yu mama noso wan lepi Kresten di yu e fertrow. No fergiti fu suku yepi na Yehovah sosrefi (Fp 4:6). A o yepi yu (Ps 94:17-19; Yes 41:10). Luku na eksempre fu Steing.
Prei a FELEM Yehovah broko en ede nanga mi trutru. Baka dati poti den aksi disi:
• Sortu Bijbel vers ben yepi Steing èn fu san ede?
• Fa Yehovah sorgu gi en?
Papa nanga mama, yu kan yepi yu pkin di abi den sortu problema disi fu hordoro te yu e arki den nanga pasensi, te yu e sori èn ferteri den taki yu lobi den èn te yu e yepi den fu bribi taki Yehovah lobi den (Tit 2:4; Yak 1:19). Fertrow tapu Yehovah èn meki a gi unu a trowstu nanga a krakti di un abi fanowdu fu yepi den pkin fu unu.
A no ala ten wi o man sabi o ten wan sma na ini a gemeente abi difrenti broko-ede noso ferstan fa a e firi. Ma tòg wi kan yepi en, fu di wi e meki ala sma na ini a gemeente firi taki wi lobi den èn taki den de wan pisi fu a gemeente.—Odo 12:25; Heb 10:24.
8. Gemeente Bijbelstudie
(30 min.) bt kap. 16 ¶6-9 nanga a faki tapu blz. 150
