Kon meki wi taki dati yu e libi na Galilea na ini a ten fu Yesus. Yu teki pasi go na Yerusalem fu hori a Kampufesa. A foto lai nanga tra brada nanga sisa di kon fu farawe. Yu wani tyari wan ofrandi gi Yehovah. Sobun, yu e teki wan krabita èn yu e waka na mindri den furu sma na ini a foto fu go na a tempel. Te yu doro na a tempel, furu sma e wakti drape fu tyari den ofrandi. Now yu ten doro fu gi a priester a krabita fu yu. Na a momenti dati yu e memre taki yu brada, di kande de na mindri den furu sma na ini a foto, abi wan sani nanga yu. Yesus e taki san yu musu du. (Leisi Mateyus 5:24.) Fa yu nanga yu brada kan meki en bun baka nanga makandra? Poti wan marki na a bun piki na ini ibriwan fu den faki dya na ondrosei.

YU MUSU . . .

• taki nanga yu brada soso te yu denki taki a abi wan bun reide fu atibron

• pruberi fu kenki a denki fu yu brada efu yu feni taki na en abi a problema noso taki a e mandi tumusi gaw

• arki nanga pasensi te yu brada e taki fa a e firi èn aksi en pardon srefi efu yu no kaba frustan en. Sori en taki yu e sari taki a sani di yu du hati en firi

YU BRADA MUSU . . .

• go fruteri trawan na ini a gemeente san yu du so taki den kan horibaka gi en

• rigeri nanga yu, a musu kari ala san yu du nanga en èn fruwakti taki yu e teki a fout na yu tapu

• frustan taki na sakafasi nanga deki-ati meki taki yu kon taki nanga en èn a musu gi yu pardon nanga en heri ati

Na ini a ten disi wi no e tyari meti ofrandi moro na ini na anbegi fu wi. Ma soleki fa Yesus leri wi, dan fa wi musu libi nanga wi brada efu wi wani taki Gado feni na anbegi fu wi bun?