A grontapu disi wani wi denki taki ogri bun, èn bun ogri (Yes 5:20). A sari fu si taki son sma e du sani di Yehovah no lobi srefisrefi. Fu eksempre, homo-sekslibi. Sma na skoro noso tra presi kan kori den yonguwan fu wi fu denki neleki den. Fa yu kan yepi yu pikin fu pasa den sortu situwâsi disi?

Leri den pikin fu yu fa Yehovah e denki fu den sani disi (Le 18:3). Hori a yari fu den na prakseri èn leri den pikinpikin san Bijbel e taki fu seks (De 6:7). Aksi yusrefi: ’Mi e leri den pikin fu mi san fiti te sma wani bosi noso brasa den? Mi e leri den taki a prenspari fu weri krosi di fiti? Mi e leri den pikin fu mi tu taki den abi a reti fu no meki sma luku den te den e wasi noso te den e kenki krosi? Den sabi san den musu du efu wan sma wani pruberi fu sori den porno, noso efu a wani den du wan sani di Yehovah no feni bun?’ Te den sabi den sani disi dan dati kan yepi den fu wai pasi gi furu problema (Odo 27:12; Pr 7:12). Te yu e gi yu pikin leri, dan yu e sori taki yu lobi den gudu di Yehovah gi yu.​—Ps 127:3.

LUKU A FELEM BOW WAN OSO DI O TAN TANAPU​—KIBRI YU PIKIN GI „OGRI”. BAKA DATI PIKI DEN AKSI DISI:

• Fu san ede son sma e draidrai fu taki nanga den pikin fu seks?

• Fu san ede papa nanga mama musu kweki den pikin nanga „a leri èn nanga den rai fu Yehovah”?​—Ef 6:4

• Sortu sani na organisâsi meki fu yepi papa nanga mama fu taki nanga den pikin fu seks?​—w19.05 12, a faki

• Fu san ede a bun fu abi a gwenti fu taki nanga yu pikin fosi problema opo kon?