Efu den Bijbelstudie fu yu wani tron bun mati fu Yehovah, dan den musu suku bun mati (Ps 15:1, 4). Bun mati o yepi den fu du san bun.​—Odo 13:20; lff les 48.

Te yu e yepi yu Bijbelstudie fu feni bun mati, dan sori taki yu e frustan fa den e firi. A kan muilek gi den fu libi den owru mati di den ben abi na ini a grontapu. Dati meki a prenspari taki yu e poti prakseri na den, srefi tapu den dei di yu no e studeer nanga den. Yu kan app den, bel den noso go luku den. Te yu si taki den studie e go na fesi, dan yu kan kari den tu te yu abi prisiriten nanga tra brada nanga sisa. Na so den srefi o kon si taki den no e misi nowan sani (Mr 10:29, 30). Yu o prisiri tu fu si taki na osofamiri fu Yehovah e kon moro bigi.

LUKU A FELEM YEPI DEN BIJBELSTUDIE FU YU FU WAI PASI GI TAKRU MATI. BAKA DATI POTI DEN AKSI DISI:

• San na takru kompe?​—1Kor 15:33

• Fa Jade ben denki taki wan fesa fu brada nanga sisa ben o de?

• Fa Neeta yepi Jade fu feni bun mati?