Ibri yari a pipel fu Yehovah e sreka gi a ten te den o hori a Memrefesa makandra. Na ini den wiki fosi a Memrefesa èn den wiki baka dati, wi e teki na spesrutu okasi disi fu prèise Yehovah èn fu taki en tangi gi a lusu-paiman di de wan kado di a gi wi (Ef 1:3, 7). Wi e wroko tranga fu kari sma fu kon na a Memrefesa. Son preikiman e seti den schema na so wan fasi taki den kan wroko 30 noso 50 yuru leki yepipionier na ini den mun maart nanga april. Yu ben sa wani fu du moro na ini a preikiwroko na a pisi ten fu a Memrefesa? San kan yepi yu fu man du a sani disi?

Furu tron wi kan du moro te wi e sreka na fesi (Odo 21:5). Fu di a pisi ten fu a Memrefesa de krosibei, meki wi musu bigin sreka nownow kaba. Prakseri fa yu kan du moro na ini a diniwroko na a pisi ten fu a Memrefesa èn luku san yu kan du fu doro a marki dati. Baka dati aksi Yehovah fu blesi a muiti fu yu.​—1Yh 5:14, 15.

Na sortu fasi yu kan du moro ini a preikiwroko na a pisi ten fu a Memrefesa?