19-25 februari
PSALM 8-10
Singi 2 nanga begi | Biginwortu (1 min.)
1. „Yehovah, mi o prèise yu”!
(10 min.)
Yehovah e sori wi trutru bun-ati (Ps 8:3-6; w21.08 3 ¶6)
Wi e prèise Yehovah nanga prisiri te wi e fruteri trawan fu den wondru wroko fu en (Ps 9:1; w20.05 23 ¶10)
Wi e prèise Yehovah sosrefi te wi e singi nanga wi heri ati gi en (Ps 9:2; w22.04 7 ¶13)
AKSI YU YUSREFI A SANI DISI: ’Na sortu tra fasi mi kan prèise Yehovah?’
2. Diki moro dipi
(10 min.)
-
Ps 8:3—San a psalm skrifiman ben wani taki di a taki fu Gado anu (noso finga, luku a futuwortu)? (cl kap. 4 blz. 40 ¶8)
-
Yu leri wan moi sani na ini a Bijbel leisipisi fu a wiki disi di yu wani prati nanga a gemeente?
3. Leisi Bijbel
(4 min.) Ps 10:1-18 (th les 11)
4. Bigin wan takimakandra
(3 min.) OSO FU OSO. Na ososma taigi yu taki a no e bribi ini Gado. (lmd les 5 penti 4)
5. Gobaka
(4 min.) OKASI PREIKI. A fosi leisi na ososma ben taigi yu taki a no e bribi ini Gado, ma a wani taki fu sani di kan sori en taki wan Mekiman de. (th les 7)
6. Lezing
(5 min.) w21.06 6-7 ¶15-18—Thema: Yepi a Bijbelstudenti fu yu fu prèise Yehovah. (th les 10)
Singi 10
7. Taki soleki fa yu gwenti te yu e preiki na ibri okasi
(10 min.) Takimakandra.
Wan bun fasi fa wi kan prèise Yehovah, na fu preiki gi den sma di wi e miti ini na ala dei libi (Ps 35:28). Biginbigin wi kan senwe pikinso te wi musu preiki wantronso. Ma te wi leri fa fu bigin wan takimakandra soleki fa wi gwenti taki, dan te fu kba wi o man preiki heri bun na ibri okasi èn wi o kon lobi en!
Prei a FELEM De srekasreka fu preiki „a bun nyunsu fu freide”—Suku okasi fu bigin wan takimakandra. Baka dati poti na aksi disi:
San yu leri ini a felem disi di kan yepi yu fu preiki moro bun na ibri okasi?
Wan tu sani di kan yepi yu fu bigin wan takimakandra:
-
De srekasreka fu bigin wan takimakandra ibri tron te yu o komoto na oso. Begi èn aksi Yehovah fu yepi yu fu feni wan sma di wani arki
-
Sori switifasi èn sori taki yu e broko yu ede nanga den sma di yu e miti. Pruberi fu sabi san o hari a sma prakseri so taki yu kan sabi sortu tru leri fu Bijbel yu kan prati nanga en
-
Efu a kan, dan suku fu aksi a sma en telefon nomru noso email adres
-
No firi broko-saka efu yu no kisi na okasi fu preiki gi a sma fosi a takimakandra kba
-
No frigiti a sma baka te yu kba taki nanga en. Sori taki yu no frigiti en fu di yu e seni wan link fu wan Bijbeltekst gi en noso wan artikel na jw.org
Pruberi fu du disi: Efu wan sma aksi yu: ’Fa yu weekend ben de?’ Dan fruteri en wan sani di yu leri na konmakandra noso wan sani fu a wroko di yu e du leki preikiman.
8. Sani di a gemeente abi fanowdu
(5 min.)
9. Gemeente Bijbelstudie
(30 min.) bt kap. 6 ¶1-8 nanga biginwortu fu pisi 2
