20-26 yanuari
PSALM 138-139
Singi 93 nanga begi | Biginwortu (1 min.)
1. No meki senwe tapu yu fu teki prati na den konmakandra
(10 min.)
Wi wani prèise Yehovah nanga wi heri ati (Ps 138:1)
Te yu e senwe fu teki prati na wan konmakandra, dan abi a fertrow taki Yehovah o yepi yu (Ps 138:3)
Te yu e senwe, dan dati kan de wan bun sani (Ps 138:6; w19.01 10 ¶10)
Wan sani di kan yepi yu: Te den piki fu yu syatu, dan dati kan yepi yu fu no senwe so furu.—w23.04 21 ¶7.
2. Diki moro dipi
(10 min.)
-
Ps 139:21, 22—A de so taki Kresten musu fu gi ala sma pardon? (w97 1/12 19 ¶15)
-
Yu leri wan moi sani na ini a Bijbel leisipisi fu a wiki disi di yu wani prati nanga a gemeente?
3. Leisi Bijbel
(4 min.) Ps 139:1-18 (th les 2)
4. Bigin wan takimakandra
(3 min.) PREIKI PE FURU SMA DE. (lmd les 2 penti 3)
5. Meki disipel
(4 min.) PREIKI PE FURU SMA DE. Aksi a sma efu a wani studeri èn sori en fa wi e hori wan Bijbelstudie. (lmd les 10 penti 3)
6. Lezing
(5 min.) w24.04 14-17 ¶1, 4-10—Thema: San mi kan du fu no syen te mi e preiki? (th les 16)
Singi 59
7. Yu kan prisiri te yu e du yu diniwroko awinsi yu e syen
(15 min.) Takimakandra.
Yu ben o taki dati yu na wan sma di e syen? Yu e firi wan fasi te sma e poti prakseri na yu? Yu e senwe te yu e prakseri fu taki nanga wan sma? Te wan sma e syen, dan son leisi a sani dati kan tapu en fu du den sani di a ben sa wani du. Ma tòg, furu sma di e syen ben man ferteri trawan fu Bijbel èn den kon lobi a preikiwroko. San wi kan leri fu na eksempre fu den?
Prei a FELEM Mi du ala san mi man aladi di mi e syen. Baka dati poti na aksi disi:
-
Fa sisa Lee kisi wini di a wroko nanga a rai di en granma ben gi en fu „du ala san a man fu dini Yehovah”?
Soleki fa Bijbel e sori, dan a kan taki Moses, Yeremia nanga Timoteyus ben e syen (Eks 3:11; 4:10; Yer 1:6-8; 1Ti 4:12). Tòg den ben man du bigi sani na ini na diniwroko fu Yehovah, fu di a ben de nanga den (Eks 4:12; Yer 20:11; 2Ti 1:6-8).
Leisi Yesaya 43:1, 2. Baka dati poti den aksi disi:
-
San Yehovah pramisi den sma di e anbegi en?
Fa Yehovah kan yepi den wan di e syen fu man du den diniwroko bun na ini a ten disi?
Prei a FELEM Fa a dopu fu yu kan gi yu moro prisiri—Wan syatu pisi. Baka dati poti den aksi disi:
-
Fa sisa Jackson kisi krakti nanga yepi fu Yehovah na ini a preikiwroko?
-
Fa a preikiwroko kan yepi wan sma di e syen?
8. Gemeente Bijbelstudie
(30 min.) bt kap. 21 ¶8-13 nanga a faki tapu blz. 193
