Fu sortu marki wi e taki dyaso? Wi e taki fu iniwan sani di wi e du so taki wi kan du moro ini a diniwroko èn meki Yehovah breiti. Den marki disi e yepi wi fu tron lepi Kresten èn dati meki a bun fu gebroiki wi ten nanga wi krakti fu doro den (1Ti 4:15). Fu san ede wi musu ondrosuku den marki fu wi ten na ten? Fu di situwâsi e kenki. Kande wi no man doro wan marki moro noso kande wi doro en kaba. Efu dati de so, dan wi kan poti wan tra marki now.

O ten a bun fu luku den marki di yu wani doro? Wan bun ten fu du dati na fosi a nyun dienstyari bigin. Yu kan taki na a Osofamiri Anbegi fu a tori disi. Kande ibri sma kan poti marki di en wani doro èn unu kan poti marki di unu wani doro leki osofamiri.

Sortu marki yu wani doro te yu e luku den sani di e kon now èn san yu o du fu man doro den?