WI KRESTEN LIBI
Sori bun-ati neleki Yehovah
Yehovah na a moro bun eksempre fu wan sma di e sori bun-ati (Ps 103:11). A bun-ati fu en na wan fasi fa a e sori lobi. A lobi dati no e tan fu wan syatu pisi ten nomo, ma a de wan dipi firi di e tan fu ala ten èn di e meki taki a e tai hori na wan sma. Yehovah ben sori bun-ati gi en pipel Israel na difrenti fasi. A ben puru den na ini katibo na Egepte èn a tyari den go na ini a Pramisi Kondre (Ps 105:42-44). A ben feti gi en pipel èn a gi den pardon ibri leisi baka te den ben sondu (Ps 107:19, 20). Te wi e „poti prakseri na a fasi fa Yehovah e sori sma bun-ati”, dan dati o gi wi deki-ati fu teki na eksempre fu en.—Ps 107:43.
LUKU A FELEM „YEHOVAH E TAI HORI NA DEN SMA DI A LOBI”. BAKA DATI PIKI DEN AKSI DISI:
-
Na sortu fasi wi kan sori bun-ati?
-
Fu san ede wi musu du furu muiti fu man sori bun-ati?
