Nofo tron felem e naki sma ati fu di den man si èn yere sani di e hari den prakseri. Na so den man poti ala prakseri na san den e leri èn den man memre sani moro bun. Yehovah gi wi a moro bun eksempre. Te a ben e gi den futuboi fu en leri, a ben e gebroiki sani di den ben man si.—Tor 10:9-16; Opb 1:1.

Den felem Gado abi wan nen?, Suma na a skrifiman fu Bijbel? èn Fa wi kan de seiker taki Bijbel e taki san tru? abi fu du nanga den srefi tori na ini les 2 nanga 3 fu a Bun Nyunsu-brochure. Den felem Fu san ede wi musu studeri Bijbel?, Fa wi e studeri Bijbel nanga sma? nanga San wi e du na ini wan Kownukondre zaal? e gi sma deki-ati fu studeri Bijbel nanga wi noso fu go na den gemeente konmakandra. Te wi e gi den Bijbelstudie fu wi leri, dan wi kan gebroiki sonwan fu den moro langa felem fu wi tu.—km 5/13 3.

• Download a felem di yu wani sori na ososma

• Sreka wán noso tu aksi di e kisi piki na ini a felem

• Luku a felem makandra nanga a sma

• Taki fu den prenspari pisi

• Na bakasei fu wan fu den traktaat yu kan sori wan sma a qr code di o tyari en go na a felem Fu san ede wi musu studeri Bijbel?

• Sori a sma a felem Fa wi kan de seiker taki Bijbel e taki san tru? èn gi a sma a Bun Nyunsu-brochure. Poti prakseri na les 3