Papa nanga mama di e lespeki Gado wani taki den pikin fu den tron anbegiman fu Yehovah. A fasi fa papa nanga mama kan yepi den fu du dati, na te den e gi den leri fu Bijbel yonguyongu kaba, so taki den leri disi e teki rutu na ini den ati (De 6:7; Odo 22:6). Yu denki taki a sani disi makriki? Kwetikweti! Ma yu o kisi blesi gi a muiti di yu e du.​—3Yh 4.

Papa nanga mama kan leri furu fu Yosef nanga Maria. Den „ben abi a gwenti fu go ibri yari na Yerusalem gi a Paskafesa”, aladi dati ben aksi furu fu den èn a ben diri (Lu 2:41). A de krin taki Yosef nanga Maria ben feni en prenspari taki den osofamiri ben abi wan bun matifasi nanga Yehovah. Na ini a ten disi, papa nanga mama kan sori den pikin fu den tu fa fu waka a yoisti pasi. Dati meki den e luku bun san den e taki èn san den e du, so taki den kan de wan bun eksempre gi den.​—Ps 127:3-5.

LUKU A FELEM DEN GEBROIKI IBRI OKASI BUN, ÈN PIKI DEN AKSI DISI:

• Fa Jon nanga Sharon Schiller poti na anbegi fu Yehovah na a fosi presi na ini den libi di den ben e kweki den pikin fu den?

• Fu san ede papa nanga mama musu gi ibri pikin a leri nanga a piri-ai di a abi fanowdu?

• Fa papa nanga mama kan yepi den pikin fu den fu tan gi yesi na Gado te den e kisi tesi?

• Sortu sani di Yehovah organisâsi gi wi, yu gebroiki fu yepi yu pikin fu tron mati fu Yehovah?