Yesus libi wan eksempre gi wi so taki wi kan waka na en baka, spesrutu te wi e kisi tesi noso te sma e frufolgu wi (1Pe 2:21-23). Aladi sma ben kosi Yesus, toku a no ben kosi den baka, awinsi fa a ben e pina (Mr 15:29-32). San yepi en fu horidoro? A ben teki a bosroiti fu du a wani fu Yehovah (Yoh 6:38). A ben e poti ala en prakseri tu na ’a prisiri di ben e wakti en’.​—Heb 12:2.

San wi e du te sma e du ogri nanga wi fu di wi na anbegiman fu Yehovah? Te sma e du ogri nanga tru Kresten, dan den no e „du a sma dati ogri baka” (Ro 12:14, 17). Te wi e horidoro neleki Krestes awinsi sma e pina wi, dan wi kan prisiri fu di Gado o feni wi bun.​—Mt 5:10-12; 1Pe 4:12-14.

LUKU A FELEM A NEN FU YEHOVAH MORO PRENSPARI. BAKA DATI, PIKI DEN AKSI DISI:

• Fa Sisa Poetzinger gebroiki en ten na wan koni fasi di den ben sroto en wawan na ini wan strafu-oso kamra?

• Na sortu fasi Brada nanga Sisa Poetzinger nyan pina di den ben de na ini difrenti strafuman-kampu?

• San yepi den fu horidoro?