Aksi fu Leisiman
Aksi fu Leisiman
Yehovah de klariklari fu gi sma pardon nanga yepi fu a lusu-paiman. So bun, fu san ede Kresten musu taki nanga den owruman na ini a gemeente fu a sondu di den du?
Soleki fa wi kan si na ini a kefal fu David nanga Batseiba, dan ala di David ben du wan seryusu sondu, toku Yehovah ben gi en pardon, bika David ben abi trutru berow. Di a profeiti Natan ben taki nanga en, dan David ben taigi en krinkrin: „Mi sondu teige Yehovah.”—2 Samuèl 12:13.
Ma Yehovah no wawan de klariklari fu arki te wan sma e taki nanga en fu a sondu di a du, èn a no e gi a sma pardon nomo. Ma na wan lobi-ati fasi a e seti sani tu so taki a sma di meki wan fowtu, kan kon tranga baka na yeye fasi. Ini a kefal fu David, dan en ben kisi yepi fu a profeiti Natan. Na ini a ten disi na ini a Kresten gemeente, owruman de di lepi na yeye fasi. A disipel Yakobus ben fruklari: „Wan sma de na un mindri di siki [na yeye fasi]? Meki a kari den owruman fu a gemeente kon na en, èn meki den begi gi en, lobi en nanga oli na ini a nen fu Yehovah. Èn a begi fu bribi sa meki a wan di no e firi bun, kon betre, èn Yehovah sa opo en. Èn efu a du sondu, a sa kisi pardon fu dati.”—Yakobus 5:14, 15.
Owruman di abi furu ondrofeni, trutru kan yepi a sondari di abi berow, fu frulekti a pen di a e firi na ini en ati. Den e pruberi fu handri nanga a sma soleki fa Yehovah ben o handri nanga Galasiasma 6:1). Srefi te wan sma fu ensrefi no e taki fu a sondu di a du, toku a kan kisi berow ete, te den owruman e go taki nanga en soleki fa Natan ben go fu taki nanga David. A yepi di den owruman e gi sma na so fasi, e yepi a sma fu luku bun taki a no e go du a sondu baka. Dati e yepi en tu fu no tranga na ati fu en fu tan du sondu.—Hebrewsma 10:26-31.
en. Den noiti no wani taki na wan grofu fasi nanga en, ala di a kan de fanowdu fu gi piri-ai. Na presi fu dati, na wan sari-ati fasi den e luku sortu yepi a sma abi wantewante fanowdu. Nanga pasensi, den e du muiti fu meki a sma di meki wan fowtu, kenki a denki fu en èn den e du dati nanga yepi fu Gado Wortu (A trutru no de wan makriki sani gi wan sma, fu taki nanga tra sma fu sondu di a du èn di a e syen gi dati, èn fu suku pardon. A sma musu abi deki-ati srefisrefi fu man du dati. Ma sidon prakseri a tra sani di a sma kan du. Wan man di no ben taki nanga den owruman fu a seryusu sondu di a du, ben taki: „Mi ben tan firi wan sortu hebi na tapu mi ati. Mi ben go moro furu na ini a preikiwroko, ma toku mi ben tan kisi konsensi fonfon.” A man ben denki taki a nofo kaba fu taki nanga Gado na ini begi fu a sondu di a du. Ma a de krin taki dati no ben de so, bika a ben kisi den srefi firi leki Kownu David (Psalm 51:8, 11). Fu tru, a moro bun fu teki a lobi-ati yepi di Yehovah e gi wi nanga yepi fu den owruman!