Wi E Go na Fesi fu Wini a Lasti Feti!
Wi E Go na Fesi fu Wini a Lasti Feti!
„Luku! wan weti asi; èn a sma di ben sidon na en tapu ben abi wan bo; èn den ben gi en wan kownu-ati, èn a ben gowe leki winiman fu kaba a wini fu en.”—OPENBARING 6:2.
1. Sortu sani di abi fu du nanga a ten di e kon Yohanes ben si na ini wan fisyun?
ONDRO a krakti fu Gado en santa yeye, na apostel Yohanes ben man luku sowan 1800 yari go na ini a ten di e kon èn a ben man taki fu Krestes di ben poti leki Kownu. Yohanes ben musu bribi taki den sani di a ben si na ini wan fisyun ben o kisi wan kontru. Na ini a ten disi wi abi krinkrin buweisi taki Yesus tron Kownu na ini 1914, soleki fa dati ben taki na fesi. Nanga ai fu bribi, wi e si fa Yesus Krestes e „gowe leki winiman fu kaba a wini fu en”.
2. San Didibri du di a Kownukondre seti, èn san dati e buweisi?
2 Baka di a Kownukondre seti, dan Yesus puru Openbaring 12:7-12). Na atibron fu Satan meki taki a situwâsi na grontapu kon moro takru leki noiti bifo. A gersi leki a libimakandra fu libisma e go na baka dei fu dei. Gi Yehovah Kotoigi a sani disi na wan krinkrin buweisi taki a Kownu fu den e go na fesi „fu kaba a wini fu en”.
Satan fu hemel, èn leki bakapisi fu dati, Satan e feti na wan moro ogri-ati fasi èn nanga moro atibron, ma a no sa abi bun bakapisi, kwetikweti (Wan Nyun Libimakandra E Seti na Grontapu
3, 4. (a) Sortu kenki kon na ini a fasi fa sani orga na ini a Kresten gemeente sensi di a Kownukondre seti, èn fu san ede den kenki disi ben de fanowdu? (b) Sortu wini den kenki disi tyari kon, soleki fa Yesaya ben taki na fesi?
3 Di a Kownukondre seti, dan a ten ben doro fu seti a nyun Kresten gemeente moro akruderi a fasi fa a Kresten gemeente fu a fosi yari hondro ben seti. A nyun Kresten gemeente disi ben abi moro Kownukondre frantwortu now. Fu dati ede, na ini den uitgave fu 1 yuni nanga 15 yuni 1938, The Watchtower (A Waktitoren) taki finifini fu a fasi fa a Kresten organisâsi musu wroko. Baka ten, na uitgave fu 15 december 1971, fruklari moro fini na ini na artikel „A Governing Body as Different From a Legal Corporation” (Fa wan Tiri Skin E Difrenti fu wan Korporâsi), suma na a Tiri Skin na ini a ten disi. Na ini 1972, skin fu owruman ben poti na wroko fu yepi èn fu tiri den difrenti gemeente.
4 Fu di a Kresten gemeente ben kisi moro bun tiri, dan dati meki taki den kon moro tranga trutru. Wan tra sani di tranga den gemeente tu na den seti fu a Tiri Skin di ben de fu leri den owruman fa fu du a wroko fu den, èn den seti disi e leri den so srefi fa fu handri nanga Yesaya 60:17 ben taki na fesi fu den kenki di ben o kon safrisafri na ini Gado en organisâsi na grontapu èn a ben taki so srefi fu a bun bakapisi di den kenki disi ben o tyari kon. Drape skrifi: „Na presi fu kopro, mi sa tyari gowtu kon, èn na presi fu isri, mi sa tyari solfru kon, èn na presi fu udu, kopro, èn na presi fu ston, isri, èn mi wani poti vrede leki opziener gi unu, èn regtfardikifasi leki den sma di e gi unu wroko fu du.” Den bun kenki disi ben sori taki Gado ben blesi den sma di ben horibaka fayafaya gi a Kownukondre fu en, èn wan tra sani di den ben sori so srefi, na taki Gado ben feni den sma disi bun.
krutu-afersi.5. (a) San Satan du di Yehovah blesi En pipel? (b) Soleki fa Filipisma 1:7 sori, san Yehovah en pipel du tapu na atibron fu Satan?
5 Satan si a lobi-ati fasi fa Gado poti prakseri na en pipel èn fa a tiri den baka di a Kownukondre ben seti. Fu gi wan eksempre, na ini 1931, a pikin Kresten grupu disi meki bekènti na publiki, taki den ben de moro leki soso Bijbel Ondrosukuman. Soleki fa Yesaya 43:10 e taki, den ben de Kotoigi fu Yehovah! Wi no sabi efu dati ben de fu espresi, ma Didibri tyari wan bigi frufolgu leki noiti bifo kon tapu Kotoigi na heri grontapu. Srefi na ini kondre di sma sabi leki kondre pe iniwan sma ben mag anbegi fri, soleki Amerkankondre, Kanada nanga Doisrikondre, den Kotoigi doronomo ben musu feti krutu-afersi fu man tan anbegi Gado na a fasi fa den ben wani. Na ini 1988, a Hei Krutubangi fu Amerkankondre ben handri 71 krutu-afersi kaba di ben abi fu du nanga Yehovah Kotoigi, èn den Kotoigi wini moro furu fu den krutu-afersi disi. Na ini a ten disi, na heri grontapu, sma e go doro fu tyari Yehovah Kotoigi go na krutu, èn neleki fa a ben de na ini a fosi yarihondro, a sani disi e gi den okasi fu ’opo taki gi a bun nyunsu èn poti en steifi akruderi a wet’.—Filipisma 1:7.
6. Di sma tapu noso gens a wroko fu Yehovah en pipel, dan dati tapu den fu go na fesi? Fruklari disi.
6 Na ini den yari 1930 te go miti 1940, leti bifo a di fu Tu Grontapufeti broko, ogri-ati tirimakti tapu noso gens a wroko fu Yehovah Kotoigi na ini Doisrikondre, Spanyorokondre, nanga Yapan, fu kari dri kondre nomo. Ma na ini a yari 2000, den dri kondre disi wawan ben abi pikinmoro 500.000 sma di ben meki a Kownukondre fu Gado bekènti fayafaya. Dati ben de pikinmoro tin leisi a nomru fu Kotoigi di ben de na heri grontapu na ini 1936! A de krin fu si taki, awansi sma e tapu noso gens a wroko fu Yehovah en pipel, dati no e tapu den fu go na fesi na ondro a tiri fu a Fesiman fu den di sa wini, Yesus Krestes.
7. Sortu kefalek moi sani pasa na ini 1958, èn sortu bigi kenki kon sensi di a sani dati pasa?
7 Na ini 1958, na ini New York City, Yehovah Kotoigi hori a moro bigi kongres di oiti bifo ben hori, a Goddelijke Wil Internationaal Kongres (Gado Wani Internationaal Kongres), èn wan heimarki fu 253.922 sma ben de na a kongres dati. A sani dati ben de trutru wan moi fasi fu si fa Yehovah Kotoigi go na fesi. Na a ten fu 1970 a wroko fu den ben opo baka na ini den dri kondre di kari na ini a paragraaf na fesi, boiti na ini a kondre di sma ben sabi fosi leki Owstu Doisrikondre. Ma a wroko fu den Kotoigi ben tapu ete na ini a bigi Sovyet Unie èn na ini den nâsi di ben de na ini a frubontu di nen Warshaw Pact (wan srudati frubontu di ben hori furu kondre fu Owstu-Europa na ondro a makti fu a Sovyet Unie). Na ini a ten disi, moro leki 500.000 Kotoigi e wroko fayafaya na ini den kondre disi di ben de Komunist nâsi fosi.
8. San na a bakapisi fu a blesi di Yehovah e blesi a pipel fu en, èn san The Watchtower (A Waktitoren) taki fu a sani disi na ini 1950?
8 A nomru fu Yehovah Kotoigi kon moro bigi fu di den „suku fosi a kownukondre nanga [Gado en] regtfardikifasi” (Mateus 6:33). A profeititori fu Yesaya kisi wan trutru kontru kaba, soleki fa a e taki: „A pikinwan srefi sa tron wan dusun, èn a pikinwan sa tron wan makti nâsi. Misrefi, Yehovah, sa meki a go moro esi na ini en eigi ten” (Yesaya 60:22). Èn moro nanga moro sma e tron Yehovah Kotoigi ete. Na ini den lasti tin yari nomo, a nomru fu sma di e horibaka fayafaya gi a Kownukondre tiri, gro kon tron moro leki 1.750.000. Den sma disi fu den eigi friwani tron memre fu wan grupu di The Watchtower (A Waktitoren) fu 1950 ben taki fu en: „Gado e seti wan nyun libimakandra na grontapu now. . . . A grupu disi sa pasa Armagedon, . . . a sa de a fosi grupu di sa de na ini a ’nyun grontapu’ . . . , a seti akruderi den markitiki fu Gado, èn a grupu disi sabi san na den gronprakseri fu wan organisâsi”. Na artikel ben tapu nanga den wortu disi: „Go na fesi, dan, sondro fu degedege, wi alamala makandra, leki wan nyun grontapu libimakandra!”
9. Fa den sani di Yehovah Kotoigi leri na ini den yari di pasa, tyari wini kon gi den?
9 Na a srefi ten, moro nanga moro sma di e kon na ini a nyun grontapu libimakandra disi, kisi sabi fa fu du sani nanga koni. A tumusi prenspari sabi disi di den abi na ini a ten disi kande sa tyari bun bakapisi kon gi den so srefi baka Armagedon te den sa wroko fu meki grontapu kon bun baka. Fu gi wan eksempre, den Kotoigi leri fa fu orga bigi kongres, den leri fa fu yepi sma esi-esi te rampu miti den, èn den leri fa fu du bow wroko na ini wan syatu pisi ten. A wroko disi meki taki furu sma e gi Yehovah Kotoigi grani èn a e meki taki furu sma e lespeki den so srefi.
Meki Sma Kisi wan Yoisti Denki
10, 11. Taki syatu fu sani di meki taki sma kon kisi wan tra denki fu Yehovah Kotoigi.
10 Toku, sma de di e taki dati a fasi fa Yehovah Kotoigi e si sani, no e kruderi srefisrefi nanga a fasi fa libisma gwenti fu du sani. Disi de spesrutu so fu di den Kotoigi e handri akruderi Bijbel ini tori soleki brudu-afersi, a teki di den no e teki partei na ini feti nanga politiek, smoko, èn bun gwenti nanga gronprakseri. Ma moro nanga moro sma e bigin erken taki a fasi fa Yehovah Kotoigi e si sani, e tyari wini kon. Fu gi wan eksempre, wan datra na ini Polen bel wán fu den kantoro fu Yehovah Kotoigi fu taigi den sma drape taki en nanga en kompe na a
ati-oso ben taki wan tu yuru langa fu a tori fu brudutransfusie. Wan artikel di ben de na ini a Polsu koranti Dziennik Zachodni a dei dati, meki taki den bigin taki fu a tori disi. „Mi e sari taki datra e gebroiki tumusi furu brudu fu dresi sma”, na so a datra erken. „Wan kenki musu kon ini a tori disi, èn mi breiti taki wan sma taki fu a tori disi. Mi wani fu kon sabi moro.”11 Na wan konmakandra di hori a yari di pasa, datra fu Kanada, Europa, Israèl, nanga Amerkankondre, ben taki fu buku nanga tra sani di musu sori datra fa fu dresi sikisma sondro fu gebroiki brudu. Tapu a konmakandra disi di hori na ini Switserland, den tyari kon na fesi taki, tra fasi leki fa furu sma e denki, a nomru fu sikisma di e dede fu di den kisi brudutransfusie, hei moro leki a nomru fu sikisma di no kisi brudu. Kotoigi di siki, moro furu ben komoto fu ati-oso moro esi leki den sma di ben kisi brudu, èn leki bakapisi fu dati ati-oso no ben abi fu pai someni moni fu dresi den.
12. Gi wan eksempre fa prenspari sma prèise Yehovah Kotoigi fu di den weigri fu teki partei na ini politiek afersi.
12 Sma taki furu bun sani so srefi fu den Kotoigi fu Yehovah fu di den no teki partei na a ten fu a di fu Tu Grontapufeti, ala di den kakafutu di a Nazi tirimakti ben frufolgu den. A video Jehovah’s Getuigen — Standvastig onder nazi-terreur (Yehovah Kotoigi E Kakafutu gi a Nazi Tirimakti), di Yehovah Kotoigi meki, ben sori fu a fosi leisi na a strafuman kampu Ravensbrück na ini Doisrikondre tapu 6 november 1996, èn dati ben de a soifri presi fu sori a video disi. Sma taki furu bun sani fu a video disi. Tapu 18 april 1998, a srefi video ben o sori na a strafuman kampu Bergen-Belsen di ben abi wan takru nen, èn na a bigin fu a programa a driktoro fu a Centrum fu Politiek Leri na ini a distrikt Lower Saxony, Datra Wolfgang Scheel, erken: „Wán fu den tru tori fu historia di e meki wi firi syen, na taki Yehovah Kotoigi weigri fu horibaka gi a Nazisme nanga wan moro fasti bosroiti leki san den Kresten kerki ben abi. . . . Awansi fa wi e denki kande fu den leri fu den Yehovah Kotoigi èn fu a faya di den abi gi a bribi fu den, wi musu lespeki a fasi fa den kakafutu gi a Nazi tirimakti.”
13, 14. (a) San wan leriman fu Wet ben taki fu a bun fu den fositen Kresten, ala di den no ben fruwakti dati? (b) Gi wan tu eksempre fu bun sani di sma taki fu a pipel fu Gado na ini a ten disi.
13 Te prenspari sma noso krutubangi e teki partei gi Yehovah Kotoigi na ini afersi pe sma abi difrenti denki, dan a sani disi kan meki taki sma e kenki a fowtu denki di den abi fu den Kotoigi èn a e meki tu taki sma no e denki so takru moro fu den. Furutron a sani disi e gi den okasi fu taki nanga sma di noiti ben wani arki bifo. Fu dati ede a bun te sma noso krutubangi e teki partei gi Yehovah Kotoigi, èn den Kotoigi trutru e warderi dati. A sani disi e meki wi prakseri san ben pasa na ini Yerusalem na ini a fosi yarihondro. Di a Sanhedrin, a hei krutubangi fu den Dyu, ben wani kiri den Kresten fu di den ben e preiki fayafaya, dan Gamalièl, „wan leriman fu a Wet di ala sma ben lespeki”, warskow den. A taigi den: „Man fu Israèl, luku bun nanga san unu wani du nanga den man disi. . . . No bumui nanga den sma disi, ma libi den (bika efu a prakseri disi noso a wroko disi de fu libisma, dan unu sa man tapu en; ma efu a de fu Gado, dan unu no sa man tapu en); noso kande unu sa kon si taki unu e feti trutru nanga Gado.”—Tori fu den Apostel 5:33-39.
14 Neleki Gamalièl, prenspari sma taki no so langa pasa dati Yehovah Kotoigi musu man anbegi fri. Fu gi wan eksempre, a man di fosi ben de fesiman fu na International Academy for Freedom Religion and Belief (Wan orga di e suku taki sma e tan kisi na okasi fu anbegi soleki fa den wani) ben taki: „A no fu di a libimakandra e si a bribi fu wan kerki grupu leki wan sani di no kan, noso leki wan sani di sma no gwenti, meki a kerki grupu dati no musu kisi a reti fu anbegi na wan fri fasi.” Èn wan professor fu kerki leri na a universiteit fu Leipzig, poti wan prenspari aksi di abi fu du nanga wan komando di a tirimakti fu Doisrikondre gi fu
ondrosuku ala den sokari kerki grupu. A professor ben aksi: „Fu san ede sma musu ondrosuku soso den pikin kerki grupu boiti den tu bigi kerki [a Lomsu Kerki nanga a Luther Kerki]?” Den wortu fu wan sma di fosi ben de wan heiman fu Doisrikondre, e meki wi kon frustan krinkrin fu san ede dati de so. A man disi ben skrifi: „Wi kan de seiker taki fromsu sma na ini den kerki disi bakabaka sorgu taki a komando di lanti gi kon tron wan politiek afersi.”Na Suma Wi E Suku Yepi?
15, 16. (a) Fu san ede a sani di Gamalièl ben du no yepi den Kresten dorodoro? (b) Fa dri tra bigiman no ben man du nofo fu yepi Yesus?
15 A sani di Gamalièl ben taki e poti krakti na tapu nomo taki wan wroko di Gado e horibaka gi, ala ten sa waka bun. Den fositen Kresten seiker ben kisi wini fu a sani di Gamalièl ben taigi a Sanhedrin, ma den no ben frigiti taki a ben tru so srefi soleki fa Yesus ben taki, dati sma ben o frufolgu den bakaman fu en. A sani di Gamalièl ben du ben tapu den kerki fesiman fu no kiri den Kresten, ma dati no puru frufolgu dorodoro, bika wi e leisi: „Ne den ben poti prakseri na en, èn den ben seni kari den apostel, ben wipi den, èn ben komanderi den fu no taki moro na ini a nen fu Yesus, èn den ben meki den gowe.”—Tori fu den Apostel 5:40.
16 Di Yesus ben de na krutu, Pontius Pilatus, no feni fowtu na en èn a pruberi fu lusu Yesus. Ma a no ben abi bun bakapisi (Yohanes 18:38, 39; 19:4, 6, 12-16). Tu memre srefi fu a Sanhedrin, Nikodeimus nanga Yosef fu Arimatea, di ben taki fu a bun fu Yesus, no ben man du nofo fu sorgu taki a krutubangi no ben strafu Yesus (Lukas 23:50-52; Yohanes 7:45-52; 19:38-40). Te sma e opo taki gi a pipel fu Yehovah — awansi sortu reide den abi fu du dati — dan dati no e tyari furu yepi gi den tru bakaman fu Krestes. Neleki fa grontapu ben tegu gi Krestes, na so den sa tan tegu gi den tru bakaman fu en. Na Yehovah wawan kan yepi den bakaman fu en dorodoro.—Tori fu den Apostel 2:24.
17. Fa Yehovah Kotoigi e si sani leki fa den de, ma fu san ede a bosroiti di den abi fu tan preiki a bun nyunsu, no e kon swaki?
17 Fu di Yehovah Kotoigi e si sani leki fa den de trutru, dati meki den e fruwakti taki sma sa tan frufolgu den. Soso te Yesus wini a seti fu Satan te fu kaba, dan sma sa tapu fu gens den Kotoigi. Toku, a frufolgu disi, ala di a no de wan prisiri sani, no e meki taki den Kotoigi e tapu nanga a wroko di den kisi fu preiki a nyunsu fu a Kownukondre. Fu san ede den sa musu tapu nanga a wroko disi te Gado e horibaka gi den? Den e luku go na a Fesiman fu den, Yesus Krestes, di abi deki-ati, èn den e si en leki wan yoisti eksempre.—Tori fu den Apostel 5:17-21, 27-32.
18. Sortu problema e wakti Yehovah en pipel ete, ma sortu bakapisi den sabi seiker taki den sa abi?
18 Sma gens a tru bribi fayafaya sensi a momenti di a bigin. Dyonsro Gog, Satan di lasi en grani sensi di Yesus puru en komopo fu hemel, sa kon feti nanga en. Ma a tru anbegi sa tan (Esekièl 38:14-16). „Den kownu fu a heri grontapu pe sma e libi” na ondro a tiri fu Satan, „sa feti nanga a Pikin Skapu, ma bika a de Masra fu den masra èn Kownu fu den kownu, meki a Pikin Skapu sa wini den” (Openbaring 16:14; 17:14). Iya, a Kownu fu wi e gowe fu wini a lasti wini èn heri esi a sa „kaba a wini fu en”. A de trutru wan grani fu waka makandra nanga en, ala di wi sabi taki dyonsro no wan sma oiti sa taki teige den anbegiman fu Yehovah te den e taki: „Gado de nanga wi”!—Romesma 8:31; Filipisma 1:27, 28.
Yu Kan Tyari Disi Kon na Krin?
• San Yehovah du fu tranga a Kresten gemeente sensi a Kownukondre seti?
• Fa Satan pruberi fu tapu Krestes fu kaba a wini fu en, èn sortu bakapisi a ben abi?
• Fa wi musu si en te sma di no de Kotoigi e taki bun fu wi?
• San Satan sa du dyonsro, èn san sa de a bakapisi fu dati?
[Aksi fu a tori disi]
[Prenki na tapu bladzijde 18]
Den kongres e buweisi taki a pipel fu Yehovah e go na fesi
[Prenki na tapu bladzijde 20]
Te nanga a dei fu tide Yehovah e kisi prèise fu di den Kotoigi no teki partei na ini a di fu Tu Grontapufeti