Yu Abi Yepi Fanowdu fu Frustan Bijbel
Yu Abi Yepi Fanowdu fu Frustan Bijbel
BIJBEL na wan tumusi aparti buku. Den man di skrifi a buku disi e taki dati den du dati na ondro a krakti fu a santa yeye fu Gado, èn Bijbel e gi nofo buweisi di e sori taki a sani disi de tru (2 Timoteus 3:16). Bijbel e sori srefi pe wi komopo, san na a marki fu a libi, èn san na a tamara fu libisma. A no de fu taki dati wi musu poti prakseri na a buku disi!
Kande yu pruberi fu leisi Bijbel ma yu no man frustan san yu leisi. Kande yu no sabi pe fu feni piki tapu den aksi fu yu. Efu dati de so, dan yu no de yu wawan. A situwâsi fu yu na a srefi leki a di fu wan man di ben libi na ini a fosi yarihondro. A man disi ben e reis na ini wan asiwagi fu Yerusalem go na en eigi kondre, Etiopia. A heiman disi fu Etiopia ben e leisi nanga tranga sten a Bijbel buku Yesaya, wan buku di ben skrifi moro leki seibi hondro yari bifo.
Wantronso, wan man di ben e lon na sei na asiwagi, taki en odi. A man ben de Filipus, wan disipel fu Yesus, èn a aksi na Etiopiaman: „Yu e frustan trutru san yu e leisi?” Na Etiopiaman piki en: „Fu tru, fa mi ben sa man du dati dan, efu wan sma no e leri mi?” Dan a man kari Filipus kon na tapu na asiwagi. Filipus fruklari san den wortu di a man ben leisi ben wani taki èn a fruteri en so srefi „a bun nyunsu fu Yesus”.—Tori fu den Apostel 8:30-35.
Neleki fa Filipus ben yepi na Etiopiaman dati wan langa ten pasa fu frustan Gado Wortu, na so Hebrewsma 6:1). Te yu e go na fesi nanga a studie, dan yu sa man teki san na apostel Paulus ben kari „tranga nyanyan” — dati wani taki, moro dipi tru tori (Hebrewsma 5:14). Ala di yu e studeri a Bijbel, tra publikâsi — bijbelstudie yepisani — kan yepi yu fu feni èn fu frustan den pisi na ini Bijbel di e handri fu difrenti sortu tori.
Yehovah Kotoigi e yepi sma fu frustan Bijbel na ini a ten disi. Den ben sa prisiri fu yepi yu tu. Moro furu, a bun fu studeri Bijbel akruderi wan spesrutu sistema, fu di yu e bigin nanga prenspari Bijbel leri (Furutron wi kan studeri nanga yu na wan ten èn na wan presi di yusrefi feni bun. Wan tu sma e studeri nanga yepi fu telefon srefi. Yehovah Kotoigi no e studeri nanga grupu sma; den e studeri nanga yu wawan, ala di den e fiti a studie na a situwâsi fu yu, na a fasi fa yu kweki èn so srefi na a skoroleri di yu kisi. Yu no abi fu pai gi so wan bijbelstudie (Mateus 10:8). Yu no abi fu meki examen èn yu no sa firi syensyen. Yu sa kisi piki tapu den aksi fu yu, èn yu sa leri fa fu kon krosibei na Gado. We dan, a de fanowdu taki yu e studeri Bijbel? Poti prakseri na wan tu fu den reide fu san ede wan bijbelstudie kan gi yu libi moro prisiri.