Na Alayari Konmakandra Tapu 6 Oktober 2001
Na Alayari Konmakandra Tapu 6 Oktober 2001
NA ALAYARI KONMAKANDRA fu den memre fu a Watch Tower Bible and Tract Society of Pennsylvania sa hori tapu 6 oktober 2001, na a Kongreshal fu Yehovah Kotoigi, 2932 Kennedy Boulevard, Jersey City, New Jersey. Fosi, wan konmakandra sa de gi den memre wawan di sa bigin 9.15 yuru mamanten. Baka dati a tra pisi fu na alayari konmakandra sa hori nanga ala den trawan di ben kisi wan kari èn dati sa bigin 10.00 yuru mamanten.
Den memre fu a korporâsi musu seni taigi a Kantoro fu a Sekretarsi nownow efu a postadres fu den kenki na ini a yari di pasa, so taki den kan kisi den brifi di abi bodoi fu a konmakandra nanga den volmacht dokumenti na ini yuli.
Den volmacht dokumenti, di den sa seni go na den memre, makandra nanga a brifi di e sori o ten a konmakandra sa hori, musu seni kon baka so taki den kan doro a Kantoro fu a Sekretarsi fu a Genootschap no moro lati leki 1 augustus. Ibri memre musu piki ala san den e aksi na ini a volmacht dokumenti èn a musu seni en kon baka wantewante. A musu skrifi tu efu a sa de na a konmakandra, efu no. Den sani di den skrifi fu a penti disi tapu ibriwan dokumenti musu skrifi krinkrin, fu di den sa gebroiki a brifi disi fu sabi suma sa de drape.
Wi e fruwakti taki a heri programa, so srefi a spesrutu bisnis konmakandra nanga den raportu, sa kaba 1.00 yuru bakadina noso syatu baka dati. Wan bakadina programa no sa de. Fu di nofo presi no de, meki sma kan kon soso te den abi wan karta. Sani no sa seti nanga yepi fu telefon fu meki sma na ini tra zaal yere tu san taki na a alayari konmakandra.