„Now Fosi Mi Sabi San Du Mi!”

NA SO wan man na ini Tokio ben firi di a ben leisi na ondrofenitori na ini A Waktitoren fu 1 december 2000. Na artikel ben abi leki nen „Unu No Sabi Fa Un Libi Sa De Tamara”. Na artikel dati ben fruteri na ondrofenitori fu wan brada di ben du zendelingwroko fosi èn di ben abi a siki di datra e kari manisch-depressieve psychose.

A man fu Tokio ben taki na ini a brifi di a seni go na den sma di e tyari a tijdschrift disi kon na doro: „Mi ben firi den srefi sani leki a man na ini na ondrofenitori. Dati meki mi go na wan ati-oso pe psychiater e gi datrayepi. Drape mi kon sabi taki mi de manisch depressief. A datra di ondrosuku mi, ben fruwondru srefisrefi. A taki: ’Nofotron den sma di abi a siki disi, no sabi srefi taki den siki.’ Mi kisi yepi fu kon sabi sortu siki mi abi, bifo a situwâsi fu mi kon moro ogri.”

Milyunmilyun sma na heri grontapu e kisi winimarki na difrenti fasi fu di den e leisi ibri Waktitoren nanga ibri Ontwaakt! tijdschrift di e kon na doro na a srefi ten. Den e feni taki den e leri furu fu den artikel èn a e gi den prisiri fu leisi den. A Waktitoren tijdschrift e kon na doro now na ini 141 tongo, èn na Ontwaakt! na ini 86 tongo. Yu srefi sa prisiri fu leisi A Waktitoren nanga Ontwaakt! doronomo.