A moro prenspari sani di pasa na ini a historia

DATI ben de a dede fu Yesus Krestes. Fu san ede dati ben de so prenspari? We, wi kan kari difrenti sani.

Yesus tan getrow te na dede. Na a fasi dati a ben sori taki wan libisma man hori en soifri retifasi na Gado.

A dede fu Krestes opo a pasi gi son sma fu tiri makandra nanga en na ini hemel. A opo a pasi sosrefi gi furu tra sma fu kisi têgo libi na ini wan paradijs grontapu.

A neti bifo Yesus dede, a ben teki brede sondro srudeki nanga redi win leki sani di ben musu prenki na ofrandi fu en libisma skin, di a ben o gi na wan lobi-ati fasi. A ben taigi den disipel fu en: „Tan du disi fu memre mi” (Lukas 22:19). Yu sa memre a prenspari okasi disi?

Yehovah Kotoigi e kari yu na wan switi fasi fu kon makandra nanga den fu hori a Memrefesa fu a dede fu Yesus. A yari disi wi sa hori a fesa dati tapu fodewroko 28 maart, baka te son dongo. Yu kan go na a Kownukondre konmakandra-presi di de moro krosibei fu yu oso. Grantangi, aksi Yehovah Kotoigi na ini a kontren fu yu fu gi yu a soifri yuru nanga a soifri presi pe a Memrefesa o hori.