Teki a têgo libi

NOITI ete sma ben musu teki someni bosroiti leki now. Fu eksempre, den krosi di wi e weri, a nyanyan di wi e nyan, èn a presi pe wi e wroko èn e libi, nofo tron na wan bosroiti di wi e teki. Na furu pisi fu grontapu a de wan gwenti sosrefi fu suku yu eigi patna. Ma Bijbel e taki fu wan bosroiti di bigi moro ala den tra bosroiti di wi kan teki​—a de wan bosroiti gi a heri libisma famiri.

Bijbel e taki: „A sma di e tanapu kánkan gi regtfardikifasi sa kisi libi, ma a sma di e lon baka san ogri, e lon go suku en eigi dede” (Odo 11:19). Èn Yesus Krestes ben taki: „Disi wani taki têgo libi, fu den e teki sabi na ini den fu yu, a wan-enkri tru Gado èn fu en di yu seni kon, Yesus Krestes.”​—Yohanes 17:3.

Iya, a Mekiman fu wi gi wi na okasi fu teki a bosroiti fu libi na so wan fasi di kan tyari têgo libi kon! San wi musu du fu kisi têgo libi?

Soleki fa Bijbel e taki „Na tapu a pasi fu retidu libi de” (Odo 12:28). Wi kan de wan fu den regtfardikisma di e waka na tapu a pasi di e go na têgo libi. Fa? We, wi musu de seiker taki a libi fu wi de akruderi a wani, nanga den komando fu Gado (Mateyus 7:13, 14). Fu dati ede, meki wi teki a yoisti bosroiti èn meki wi kisi a presenti di Gado e gi, namku têgo libi.​—Romesma 6:23.