Fu san ede wan sma musu kisi trangaleri?
Fu san ede wan sma musu kisi trangaleri?
SAN yu e prakseri te yu yere a wortu „trangaleri”? Wan wortubuku e taki dati trangaleri wani taki: „A gwenti fu meki sma gi yesi na wet nanga markitiki di abi fu du nanga a fasi fa den musu tyari densrefi. Te den no e du dati, dan den e kisi strafu.” Aladi disi a no a wán-enkri sani di sma e taki fu trangaleri, toku furu sma na ini a ten disi, no lobi trangaleri kwetikweti.
Ma Bijbel e taki wan heri tra fasi fu trangaleri. A koni Kownu Salomo ben skrifi: „No trowe, o mi manpikin, a trangaleri fu Yehovah; èn no tegu gi a piri-ai fu en” (Odo 3:11). Den wortu disi no e taki fu trangaleri leki fa furu sma e si dati, ma den e taki fu „a trangaleri fu Yehovah”, di abi fu du nanga den hei gronprakseri fu Gado. Na a trangaleri disi wawan e yepi wi fu kisi winimarki na yeye fasi. Iya, a musu de wan sani di wi e winsi fu kisi. Na a tra sei, wi e si taki te libisma e gi trangaleri soleki fa den e denki dan dati no e kruderi nanga den hei gronprakseri fu Yehovah, èn nofo tron den grofu èn den e broko wan sma saka. Disi e sori fu san ede furu sma no lobi trangaleri.
Fu san ede wi e kisi a deki-ati fu teki a trangaleri fu Yehovah? Bijbel e taki dati a trangaleri di Gado e gi, e sori o furu a lobi den libisma di a meki. Fu dati ede, Salomo ben taki: „A sma di Yehovah lobi, na en a e piri-ai gi, neleki fa wan papa e du nanga wan manpikin di a e prisiri nanga en.”—Odo 3:12.
San na a difrenti na mindri trangaleri èn strafu?
Bijbel e sori taki trangaleri kan gi na difrenti fasi. A kan gi leki tiri, rai, leri, piri-ai, èn srefi leki strafu. Ma na ini ala den fasi disi Yehovah e sori a lobi fu en, èn a marki fu disi na fu meki a sma di e kisi a trangaleri kisi wini. Noiti a trangaleri fu Yehovah de soso fu strafu sma.
Na a tra sei, a no de so ala ten taki Gado e strafu wan sma fu meki a kon bun baka, noso fu meki a kisi leri fu dati. Fu eksempre, a srefi dei di Adam nanga Efa sondu, den bigin firi a bakapisi fu di den no ben arki Gado. Yehovah ben yagi den puru fu a paradijs fu Eden, èn den no ben de volmaakti moro. Leki bakapisi fu dati, den kon siki èn den kon owru. Baka di den pina hondrohondro yari, dan den lasi den libi fu ala ten. Iya, disi ben de a strafu fu Gado, ma a no ben de trangaleri fu meki den kon bun baka. Fu di Adam nanga Efa ben trangayesi Gado fu espresi èn fu di den no ben abi berow, meki den no ben man kisi yepi moro.
Tra eksempre di e sori fa Yehovah e gi strafu, na a Frudu na ini den dei fu Noa, a pori fu Sodom nanga Gomora, èn a pori fu a legre fu Egepte na ini a Redi Se. Den sani di Yehovah ben du no ben de fu tiri, fu gi rai, noso fu leri den sma di kisi strafu. Na apostel Petrus ben abi den sortu strafu fu Gado disi na prakseri, di a ben skrifi: „A no ben meki noti tapu en fu strafu wan owruten grontapu, ma a ben kibri Noa, wan preikiman fu regtfardikifasi, makandra nanga seibi trawan, di a ben tyari wan frudu kon na tapu wan grontapu fu ogri sma; en fu di a ben pori den foto Sodom nanga Gomora kon tron asisi, meki a ben krutu den, èn nanga dati a ben poti den leki wan eksempre gi ogri sma fu sani di ben sa musu pasa ete.”—2 Petrus 2:5, 6.
Fa den strafu disi ben de „leki wan eksempre gi ogri sma fu sani di ben sa musu pasa ete”? Na ini a brifi di Paulus ben seni go gi den Tesalonikasma, 2 Tesalonikasma 1:8, 9). A de krin fu si taki a strafu disi no de fu gi leri noso fu kenki den sma di e kisi en. Ma, te Yehovah e aksi den anbegiman fu en fu teki a trangaleri fu en, dan a no e taki fu a strafu di sondari e kisi te den no e sori berow.
a ben taki fu a ten na ini san wi e libi now, taki a de a ten pe Gado, nanga yepi fu en manpikin, Yesus Krestes, sa „puru atibron tapu den wan di no sabi Gado èn tapu den wan di no e gi yesi na a bun nyunsu”. Paulus ben taki moro fara: „Den srefi sma disi sa kisi a krutu strafu fu têgo pori” (A de prenspari taki Bijbel no e sori taki Yehovah na wan Gado di e strafu sma doronomo. Na presi fu dati, furu tron Bijbel e taki fu en leki wan leriman di abi lobi nanga pasensi (Yob 36:22; Psalm 71:17; Yesaya 54:13). Iya, Gado e gi trangaleri nanga a marki fu meki sma kenki den takru pasi fu den, ma a e du disi nanga lobi nanga pasensi ala ten. Te Kresten e frustan fu san ede trangaleri de fanowdu, dan den sa de klariklari fu teki a trangaleri èn den sa de srekasreka tu fu gi trangaleri na a yoisti fasi.
A trangaleri di lobi-ati papa nanga mama e gi
Na ini na osofamiri èn na ini a Kresten gemeente a de fanowdu taki sma frustan san na a marki fu trangaleri. Disi de spesrutu so nanga sma di de na ini wan frantwortu posisi, soleki papa nanga mama. Odo 13:24 e taki: „A sma di e kibri en tiki no lobi en manpikin, ma a wan di lobi en, na a sma di e suku en nanga trangaleri.”
Fa papa nanga mama musu gi trangaleri? Bijbel e fruklari: „Èn unu, papa, no tanteri den pikin fu unu, ma tan kweki den na ini a trangaleri èn a seryusu frumane fu Yehovah” (Efeisesma 6:4). A frumane disi e kari ete wan tron na ini den wortu disi: „Un papa, no tanteri un pikin, so taki den no lasi-ati.”—Kolosesma 3:21.
Kresten papa nanga mama di sabi san na a marki fu trangaleri no sa gi trangaleri na wan grofu fasi. A gronprakseri di skrifi na ini 2 Timoteyus 2:24 e sori fa papa nanga mama musu gi trangaleri. Paulus ben skrifi: „Wan srafu fu Masra no abi fu feti, ma a musu abi switifasi gi ala sma, a musu de wan sma di abi a koni fu man gi leri.” Wi no e gi a trangaleri na wan lobi-ati fasi te wi e kisi bigi atibron, te wi e bari sma èn te wi e skempi noso e afrontu sma. Den sani disi no fiti na ini a libi fu wan Kresten.—Efeisesma 4:31; Kolosesma 3:8.
A trangaleri di papa nanga mama e gi, wani taki moro leki fu teki wan bosroiti gawgaw èn fu strafu a pikin sondro fu draidrai. Furu pikin musu kisi warskow difrenti leisi bifo den e kenki a fasi fa den e denki. Fu dati ede, papa nanga
mama musu meki ten, den musu abi pasensi, èn den musu poti furu prakseri na a fasi fa den e gi trangaleri. Den musu hori na prakseri taki den musu kweki den pikin „na ini a trangaleri èn a seryusu frumane fu Yehovah”. Disi wani taki dati den musu gi leri furu yari langa.Kresten skapuman e gi trangaleri na wan safri-ati fasi
Kresten owruman musu gebroiki den srefi gronprakseri. Leki lobi-ati skapuman den e meki muiti fu gi na ipi deki-ati, fu di den e gi rai, tiri, nanga piri-ai te dati de fanowdu. Te den e du dati, dan den e hori na prakseri san na a trutru marki fu trangaleri (Efeisesma 4:11, 12). Efu den ben poti na den ede nomo fu gi strafu, dan den ben o gi strafu nomo na a sma èn den no ben o du noti moro. A trangaleri fu Gado wani taki moro furu. Fu di owruman abi lobi gi trawan, meki den e tan du ala san den man du fu yepi a sma di meki fowtu. Fu di den e broko den ede trutru nanga en, meki den e seti sani fu taki na difrenti okasi nanga a sma fu kan gi en deki-ati nanga leri.
Akruderi a frumane na ini 2 Timoteyus 2:25, 26, dan owruman musu gi „leri nanga safri-ati”, srefi te den abi fu du nanga sma di no de klariklari fu teki trangaleri. A bijbeltekst e sori san na a marki fu trangaleri: „Kande Gado kan gi den berow, so taki den kan kon kisi soifri sabi fu waarheid, èn den kan kisi densrefi baka èn komoto na a trapu fu Didibri.”
Son tron a de fanowdu fu puru sma fu a gemeente te den e du ogri sondro fu abi berow (1 Timoteyus 1:18-20). Wi no musu si disi leki strafu nomo, ma wi musu si en leki trangaleri sosrefi. Wanwan leisi, owruman sa du muiti fu go na den sma di puru fu a gemeente; den sortu sma disi kande kenki a fasi fu libi fu den. Te den owruman de na den sma disi, dan den e handri akruderi a trutru marki fu trangaleri fu di den e sori den sortu sma disi san den kan du fu drai kon baka na a Kresten gemeente.
Yehovah na a Volmaakti Krutuman
Papa nanga mama, Kresten owruman, nanga trawan di abi a frantwortu akruderi Bijbel fu gi trangaleri, musu teki a frantwortu disi seryusu. Den no musu krutu wan sma nanga a denki taki a sma dati no sa man kenki noiti moro. Fu dati ede a trangaleri di den e gi no musu de leki wan strafu di e gi sondro sari-ati èn a no musu gi na wan feanti fasi.
A tru taki Bijbel e sori go na Yehovah leki a sma di sa gi wan hebi strafu te fu kaba. Fu Hebrewsma 10:31). Ma noiti wan libisma musu pruberi fu agersi ensrefi nanga Yehovah na ini a tori disi, noso na ini iniwan tra tori. Èn nowan sma musu frede fu kisi trangaleri fu a papa noso a mama fu en, noso ini na anu fu wan owruman na ini a gemeente.
taki en leti, Bijbel e taki dati: „A de wan kefalek takru sani fu fadon ini na anu fu a libi Gado” (Yehovah sabi soifri fa fu gi trangaleri na a yoisti fasi. Libisma no man du dati. Gado kan si san de tapu na ati fu wan sma èn a kan luku efu wan sma tranga en ati na so wan fasi taki piri-ai no e yepi moro. Na so fasi a sabi efu so wan sma musu kisi wan lasti èn hebi strafu. Na a tra sei, libisma no man krutu na so wan fasi. Fu dati ede, te a de fanowdu fu gi trangaleri, dan den sma di abi a frantwortu musu du dati ala ten nanga a marki fu yepi a sma kon bun baka.
Teki a trangaleri fu Yehovah
Wi alamala abi a trangaleri fu Yehovah fanowdu (Odo 8:33). Fu taki en leti, wi musu angri gi a trangaleri di e komoto fu Gado Wortu. Te wi e studeri Gado Wortu, dan wi kan teki a trangaleri di e komoto langalanga fu Yehovah nanga yepi fu den Buku fu Bijbel (2 Timoteyus 3:16, 17). Ma son tron wi sa kisi trangaleri fu wi Kresten brada nanga sisa. Te wi e frustan fu san ede wi e kisi a trangaleri disi, dan wi sa de klariklari fu teki en.
Na apostel Paulus ben erken: „A tru taki nowan trangaleri na wan prisiri sani na a momenti di wi e kisi en, ma a e gi sari.” Baka dati a taki moro fara: „Toku, bakaten a e meki froktu fu vrede gi den wan di oefen densrefi nanga dati, namku regtfardikifasi” (Hebrewsma 12:11). Nanga a trangaleri, Yehovah e sori a bigi lobi di a abi gi wi. Awansi wi e kisi trangaleri, noso wi e gi trangaleri, meki wi tan hori na prakseri a marki fu a trangaleri fu Gado èn meki wi gi yesi na a rai fu Bijbel di e taki: „Grabu trangaleri hori; no lusu en. Kibri en bun, bika a de yu libi.”—Odo 4:13.
[Prenki na tapu bladzijde 21]
Sondari di no abi berow e kisi a krutu strafu fu Gado; den no e kisi a trangaleri fu poti den na a reti pasi baka
[Prenki na tapu bladzijde 22]
Fu di owruman abi lobi gi trawan, meki den e teki ten fu ondrosuku sani fu Bijbel finifini èn fu yepi den sma di meki fowtu
[Prenki na tapu bladzijde 23]
Nanga pasensi èn na wan lobi-ati fasi papa nanga mama musu gi „a trangaleri èn a seryusu frumane fu Yehovah”