Yu man si na yu fesi san yu e leisi?

EFU yu wani taki a e gersi leki den sani di yu e leisi e pasa leti na yu fesi, dan a ben o bun fu sabi wan tu sani fu den presi fu san yu e leisi. Fu eksempre, prakseri den preikiwaka fu na apostel Paulus, fu san a Bijbel buku Tori fu den Apostel e taki. Na apostel bigin a fosi preikiwaka fu en na ini Antiokia, pe den bakaman fu Yesus kisi a nen Kresten. Fu drape, a teki waka go na difrenti presi soleki Salamis, Antiokia fu Pisidia, Ikonium, Listra, nanga Derbe. Te yu e leisi fu den presi disi, dan yu kan si na yu fesi kaba pe den ben de?

Kande yu no man du dati. Ma a ben o de tra fasi efu yu ben o abi wan karta pe den presi de na tapu. Yu kan feni so wan karta na ini a nyun brochure di abi 36 bladzijde èn di nen ’Zie het goede land’ (’Luku a bun kondre’). Wan sma na ini Montana na Amerkankondre di leisi a brochure disi ben taki nanga furu warderi: „A gersi leki mi kan si fa Paulus e teki waka go fu a wan presi na a trawan, èn mi e pruberi fu si efu a ben waka nanga futu, noso efu a ben teki waka na wan tra fasi. Mi e pruberi fu si tu fa en nanga den tra fosi Kresten ben e wroko fu prati a bun nyunsu na ala sei. Grantangi fu den moi karta disi di e yepi mi fu si fa den presi disi ben tan.”

A karta fu den preikiwaka fu Paulus na wán fu den someni karta di de na ini a brochure disi, di sa yepi den leisiman fu si pe den presi fu san Bijbel e taki ben de. Efu yu wani kisi wan fu den brochure di nen ’Zie het goede land’, dan yu kan skrifi yu nen nanga yu adres na ondrosei. Yu kan seni na ondrosei pisi disi go na wan fu den adres di kari dyaso, noso na wan fu den adres di skrifi na tapu bladzijde 2 fu a tijdschrift disi.

□ Grantangi, seni a brochure ’Zie het goede land’ kon gi mi. Sori na ini sortu tongo

□ Grantangi kontakti mi fu hori wan oso-bijbelstudie nanga mi sondro taki mi abi fu pai gi dati.

[Sma di abi a reti fu a prenk na tapu bladzijde 32]

Pictorial Archive (Near Eastern History) Est.