Wan okasi di wi musu memre

SAN na a okasi disi? Na okasi na a dede fu wan man di lasi en libi sowan 2000 yari pasa. „Mi gi mi libi gi den, èn dati meki mi man kisi mi libi baka”, a man disi ben taki. „Nowan sma puru en na mi anu, ma na fu di mi wani, meki mi dede gi den” (Yohanes 10:17, 18). A man dati ben de Yesus Krestes.

Yesus ben gi den bakaman fu en a komando fu memre a dede fu en; a dede pe a gi en libi leki wan srakti-ofrandi. Sma e kari na okasi disi sosrefi „na Avondmaal fu Masra”, noso „da njanjan foe Masra” (1 Korentesma 11:20; Da Bijbel na ini Sranantongo). Yehovah Kotoigi nanga den mati fu den sa hori a Memrefesa di Yesus ben seti fu memre a dede fu en, tapu fodewroko 24 maart 2005, baka te son dongo.

Na ini wan lezing a sa kon na krin san Bijbel e taki fu a brede sondro srudeki nanga a redi win di e gebroiki na a okasi disi (Mateyus 26:26-28). A lezing sa gi piki tu tapu aksi soleki: Omeni leisi Kresten musu hori a Memrefesa? Suma abi a reti fu nyan a brede èn fu dringi a win? Suma e kisi wini fu a dede fu Yesus? A prenspari Memrefesa disi sa yepi ala sma fu kon frustan fu san ede Yesus kon na grontapu èn fu san ede a dede.

Yu sa kisi wan waran switikon na a Memrefesa fu a dede fu Yesus. Grantangi aksi den Kotoigi fu Yehovah na ini yu birti pe èn o lati a Memrefesa sa hori.