A Nyun-yaribon​—Wan Rosia gwenti noso wan Kresten gwenti?

„NA INI den yari syatu baka 1830, sma ben e si a bon disi ete leki wan ’moi sani di abi fu du nanga a bribi fu sma na ini Doisrikondre’. Sowan tin yari baka dati, den heiheisma fu Sint Petersburg kon ’kisi a gwenti’ fu poti a bon disi na ini den oso. . . . A ben de so taki na ini a di fu 19 yarihondro, soso den kerki fesiman nanga den pôtisma di ben libi na ini kampu, no ben teki a gwenti disi abra fu poti so wan bon na ini den oso. . . .

Bifo a ten dati, sma no ben lobi a bon. Na ini a Rosia kulturu a bon disi ben prenki dede èn a ben abi fu du nanga ’a yeye kondre’. Boiti dati sma ben gwenti fu poti a bon na tapu a daki fu den presi pe sma ben e go dringi sopi. Ma na ini den yari syatu baka 1850, sma kon kisi wan heri tra denki fu a bon disi. . . . Wi kan frustan krin taki di sma bigin teki a Doisri gwenti disi abra, dan dati ben wani taki dati den ben e poti wan Kresneti bon na ini den oso, neleki fa den sma na ini son kondre fu Europa ben gwenti fu du na Kresnetiten. . . .

Na ini Rosiakondre, sma ben wani meki a bon disi tron wan pisi fu a Kresten bribi, ma a sani disi no pasa so makriki. Na Orthodox Kerki ben e gens a tori. Den kerki fesiman ben si a nyun fesa disi leki ’wan Didibri sani’, iya, den ben e si en leki wan heiden gwenti di no abi noti fu du nanga a geborte fu a Frulusuman. Boiti dati a ben de wan gwenti di komoto fu son kondre fu Europa.”—Professor Yelena V. Dushechkina, wan sabiman di e ondrosuku a rutu fu wortu èn di e wroko na a Sint Petersburg State University.

[Sma di abi a reti fu a prenki na tapu bladzijde 32]

Photograph: Nikolai Rakhmanov