Wan kari . . .

Gado man tiri sani na grontapu ete?

RAMPU, siki di e kiri ipi-ipi sma, kruktudu di heihei sma e du, ogri-ati sani di sma e du fu gens a tirimakti, orloku, ogridu. Pikinmoro nowan enkri dei e pasa sondro taki wi e yere taki wan fu den sani disi pasa. Efu yusrefi kisi fu du nanga den sani disi, noso efu yu no kisi fu du nanga den, toku den sani disi e meki sma aksi densrefi san o pasa nanga grontapu, èn efu oiti sani sa kon moro bun.

Yehovah Kotoigi sa taki fu den problema disi na ini moro leki 200 kondre na heri grontapu, fu di den sa hori wan publikitaki di fiti gi a ten disi. A publikitaki disi nen: „Gado man tiri sani na grontapu ete?” A publikitaki sa poti prakseri na san Gado e taki èn e pramisi na ini Bijbel, a Wortu fu en di e kon tru ala ten. A publikitaki sa poti prakseri na den tumusi prenspari aksi disi:

Gado e broko en ede nanga sani di e pasa na grontapu?

Fa a e denki fu a libisma famiri?

A e broko en ede nanga yu?

Na furu presi a publikitaki disi sa hori tapu sonde 30 april 2006, na ini den Kownukondre zaal fu Yehovah Kotoigi. Den Kotoigi na ini a kontren fu yu sa prisiri fu taigi yu o lati èn pe a lezing sa hori.

Wi e gi unu wan switi kari fu kon arki a publikitaki disi di sa tyari kon na krin fa Bijbel e gi wan moi piki tapu na aksi: Gado man tiri sani na grontapu ete? Yu no abi fu pai noti.