Na anbegi di bun gi yu
Na anbegi di bun gi yu
„A KON di mi e kon krosibei na Gado, bun gi mi”, na so a psalm skrifiman Asaf ben taki. Asaf ben si fa son sma ben e libi wan switi libi, aladi den no ben broko den ede nanga Gado. Fu wan syatu pisi ten, a ben e prakseri taki a ben o bun fu waka baka den sma disi. Ma Asaf go prakseri fu den wini di a ben o tyari gi en te a ben o kon krosibei na Gado, èn a kon si taki dati bun gi en (Psalm 73:2, 3, 12, 28). Fa a de na ini a ten disi? A tru anbegi bun gi yu tu? Sortu wini a kan abi gi yu?
Te yu e anbegi a tru Gado, dan dati o tyari moro wini kon gi yu, leki te yu libi wan libi pe yu e prakseri yusrefi nomo. Den sma di e suku wini soso gi densrefi no sa de koloku noiti, bika „a Gado fu lobi” no meki wi fu libi na a fasi dati (2 Korentesma 13:11). Yesus ben leri sma wan prenspari tru tori di abi fu du nanga libisma. A ben taki: „Wan sma sa de moro koloku te a e gi sani, leki te a e kisi sani” (Tori fu den Apostel 20:35). Fu dati ede, a e gi wi prisiri te wi e du sani gi den mati nanga den famiri fu wi. Ma a moro bigi prisiri wi e kisi te wi e du sani gi Gado. Wi musu lobi en moro leki iniwan tra sma. Milyunmilyun sma di kweki na difrenti fasi, kon de koloku trutru fu di den e anbegi Gado soleki fa en wani.—1 Yohanes 5:3.
Yu kan abi wan marki di yu wani doro na ini yu libi
Wan tra wini di a tru anbegi e tyari kon gi yu, na taki a e meki yu abi wan marki di yu wani doro na ini yu libi. Yu no si taki te sma de koloku, dan furu tron dati e kon fu di den doro wan prenspari sani na ini den libi? Furu sma wani doro wan marki na ini den libi. A kan abi fu du nanga den osofamiri, den mati, bisnis, noso prisiriten. Furu tron, den sani dati no e tyari koloku kon gi den sma disi, fu di den no sabi na fesi fa a libi fu den o waka (Preikiman 9:11). Ma a tru anbegi e yepi yu fu kon abi wan moro prenspari marki di yu wani doro na ini yu libi. Wan marki di sa meki yu de koloku awinsi tra sani na ini a libi no e waka bun.
Efu yu wani anbegi Yehovah na wan yoisti fasi, dan yu musu kon sabi en èn yu musu dini en na wan getrow fasi. Den sma di de na ini a tru anbegi, e kisi wan moro bun matifasi nanga Gado (Preikiman 12:13; Yohanes 4:23; Yakobus 4:8). Kande a muilek gi yu fu frustan taki yu kan kon sabi Gado so bun, taki a e tron yu mati. Ma te yu e denki dipi fu a fasi fa a ben e handri nanga sma èn te yu e luku den sani di a meki, dan yu kan kon frustan den difrenti fasi fu en (Romesma 1:20). Boiti dati, te yu e leisi Gado Wortu, dan yu kan frustan fu san ede wi de na grontapu, fu san ede Gado gi pasi taki sma e pina, èn fa a sa tyari wan kaba kon na a pina di sma e pina. Ma a moro moi sani srefi, na taki yu o kon frustan tu fa yu kan wroko makandra nanga Gado fu meki den prakseri fu en kon tru (Yesaya 43:10; 1 Korentesma 3:9). Te yu e kon frustan ala den sani disi, dan dati kan meki yu kisi prisiri baka na ini yu libi!
Yu e kon tron wan moro bun sma
A tru anbegi bun gi yu fu di a e yepi yu fu kon tron wan moro bun sma. Te yu e anbegi Gado na a yoisti fasi, dan yu e kisi fasi di kan yepi yu fu tron moro bun mati nanga tra sma. Te yu e leisi fu Gado nanga en Manpikin, dan yu e leri fa fu de opregti, fa fu taki na wan switi fasi, èn fa fu tyari den frantwortu fu yu na wan bun fasi (Efeisesma 4:20–5:5). Te yu kon sabi Gado so bun, taki yu kon lobi en, dan yu o wani de neleki en. Bijbel e taki: „Waka baka na eksempre fu Gado leki pikin di a lobi; tan lobi makandra.”—Efeisesma 5:1, 2.
Yu no ben o firi switi fu de na mindri sma di e sori lobi neleki fa Gado sori lobi? Koloku taki yu 1 Korentesma 14:33). Neleki milyunmilyun tra sma, yu srefi o si taki a de wan prisiri sani fu anbegi Gado makandra nanga wan grupu Kresten di orga bun.
no abi fu anbegi a tru Gado yu wawan. A tru anbegi o meki taki yu o abi demakandra nanga sma di lobi san yoisti èn san bun. Kande yu no e firi switi te yu e yere taki yu musu anbegi Gado makandra nanga tra sma. Ma soleki fa wi si na ini a fosi artikel, dan a problema nanga furu kerki a no a orga di den orga, ma taki den no orga na wan bun fasi, èn taki den no e du a wroko di den musu du. Furu kerkigrupu, orga fu du sani di no abi fu du nanga a wroko di Kresten kisi fu du. Ma na Yehovah Gado srefi orga a pipel fu en, so taki den kan du wan tumusi bun wroko. Bijbel e taki: „Gado a no wan Gado fu bruya, ma fu vrede” (Yu o abi wan howpu gi a ten di e kon
Den Santa Buku fu Bijbel e sori taki Gado e tyari tru anbegiman kon na wán, so taki den kan kisi frulusu te a grontapu sistema disi o kisi pori. Den sma disi sa libi na ini wan nyun grontapu pe „regtfardikifasi o tan” (2 Petrus 3:13; Openbaring 7:9-17). Sobun, a tru anbegi e tyari wini kon gi yu, fu di a e gi yu howpu di de tranga fanowdu fu de koloku. Wan tu sma e howpu taki grontapu tirimakti o lusu den problema fu den. Son sma e howpu taki a bisnis fu den sa waka bun na ini a ten di e kon. Tra sma e howpu taki den sa tan gosontu èn taki den sa kisi wan bun pensyun. Ma te yu e luku en bun, dan den sani disi no kan gi sma a dyaranti taki sani o waka bun gi den na ini a ten di e kon. Na a tra sei, na apostel Paulus ben skrifi: „Wi poti wi howpu tapu wan libi Gado.”—1 Timoteyus 4:10.
Efu yu e ondrosuku sani finifini, dan yu kan feni tru anbegiman. Na ini a ten disi, a grontapu lai nanga pratifasi, ma Yehovah Kotoigi de heri tra fasi fu di den abi lobi, èn fu di den de na ini wánfasi. Aladi den komoto fu pikinmoro ala kondre, èn aladi den kweki na difrenti fasi, toku den abi wánfasi fu di den abi lobi gi makandra èn gi Yehovah (Yohanes 13:35). Den e gi yu wan kari fu yusrefi kon luku fa a de na den. Asaf ben skrifi: „A kon di mi e kon krosibei na Gado, bun gi mi.”—Psalm 73:28.
[Prenki na tapu bladzijde 7]
Yu kan tron wan mati fu Gado