Bijbel leri e tranga a bribi fu sma
Bijbel leri e tranga a bribi fu sma
„NA INI den feifi mun di pasa, a ben de wan bigi grani fu poti moro prakseri na den sani di wi Mekiman abi na prakseri èn fu leri si sani soleki fa En e si sani!” Disi na san wan fu den studenti fu a di fu 122 klas fu a Waktitoren Bijbelskoro Gilead ben taki tapu a dei di den studenti kisi den diploma. A dei fu 10 maart 2007, na wan dei di den 56 studenti fu a klas sa memre wan langa ten. Den studenti disi sa bigin now nanga a zendelingwroko fu den na ini difrenti kondre, èn ala nanga ala den o go na 26 kondre.
Baka di Brada Theodore Jaracz, wan memre fu a Tiri Skin, ben gi den 6205 sma wan switikon, a taki: „Wi sabi seiker taki a programa disi sa tranga a bribi fu unu èn a sa meki unu kisi wan moro bun matifasi nanga Gado.” Baka dati, a kari den nen fu den fo takiman di ben o hori den lezing. Den takiman gi den studenti deki-ati nanga yepi fu Bijbel, èn den gi den rai di o yepi den studenti fu abi bun bakapisi na ini a zendelingwroko fu den.
Den studenti e kisi a deki-ati fu tranga a bribi fu trawan
Brada Leon Weaver, wan memre fu a Bijkantoro Komte na ini Amerkankondre, ben hori a lezing „Tan du san bun”. A taigi den studenti taki ibriwan fu den de sowan 13 yari kaba na ini a furuten diniwroko, èn den e tranga a bribi fu trawan nanga yepi fu Bijbel. A taki: „Disi na wan bun wroko, bika na so fasi unu e meki sma tan na libi, èn san de moro prenspari na taki a bun wroko disi e meki taki wi hemel Tata, Yehovah, kisi glori.” Baka dati, Brada Weaver gi den studenti a deki-ati fu „du san a yeye wani” èn fu no „tapu fu du san bun”.—Galasiasma 6:8, 9.
Brada David Splane, wan memre fu a Tiri Skin, ben gi den studenti bun rai di a ben hori a lezing „Meki muiti na a bigin kaba”. Brada Splane gi den nyun zendeling a deki-ati fu bigin a zendelingwroko fu den na wan bun fasi. A taigi den fu hori den sani disi na prakseri: „Tan si sani na a yoisti fasi. No de gaw fu denki taki na so a sani musu de. Sori switifasi. No krutu ala den pikinpikin sani di yu o si. Abi sakafasi, èn lespeki den brada nanga sisa fu a kondre pe yu e go.” A taki moro fara: „Te yu saka komoto fu na opolani, du ala san yu man fu bigin a zendelingwroko fu yu na wan bun fasi. Meki a de so taki Yehovah blesi den moi futu fu unu di e tyari a ’bun nyunsu’ di abi fu du nanga ’wan moro bun sani’ kon gi sma.”—Yesaya 52:7.
Brada Lawrence Bowen, wan fu den leriman fu a Gileadskoro, ben hori a lezing di nen Hebrewsma 11:1; Openbaring 17:8). Sensi a ten dati a Gileadskoro gi den studenti na okasi fu tranga a bribi fu den. Fu di den studenti abi wan tranga bribi, meki den e tan preiki a bun nyunsu fayafaya.
„Wan gudu di unu o kisi seiker”. Brada Bowen ben memre den studenti taki a Gileadskoro seti na a ten fu a di fu Tu Grontapufeti, fu di den brada ben abi a frutrow taki a profeiti Wortu fu Yehovah o kon tru (Mark Noumair, wan tra leriman fu a Gileadskoro, ben hori wan tumusi moi lezing di nen „Yu de leki wan sma di mi sabi”. A ben poti prakseri na a eksempre fu a profeiti Elisa, di ben sori bribi nanga deki-ati na ini a diniwroko fu en. Brada Noumair ben 1 Kownu 19:21 èn a ben taki: „Elisa ben de klariklari fu tyari kenki kon na ini en libi. A wroko di a ben du fu preiki a boskopu fu Yehovah, ben moro prenspari gi en leki iniwan tra sani na ini en libi.” Brada Noumair prèise den studenti fu di den de leki Elisa, èn a gi den a deki-ati fu tan du dati te den o bigin nanga a zendelingwroko fu den.
poti prakseri naSma di abi bribi e taki sondro fu frede
Na a ten di a skoro ben e hori èn den studenti ben e tranga a bribi fu den, den ben e preiki a bun nyunsu gi tra sma tapu satra nanga sonde. Na ini a prati fu Wallace Liverance, wan tra leriman fu a Gileadskoro, den studenti ben demo den moi sani di den ben ondrofeni na ini a preikiwroko. A prati di a brada hori ben nen „Fu di wi abi bribi meki wi e taki”, èn a ben abi fu du nanga san na apostel Paulus skrifi na ini 2 Korentesma 4:13.
Baka a pisi disi, Daniel Barnes nanga Charles Woody, di de memre fu a Bethelfamiri, ben taki nanga wan tu brada di ben de zendeling fosi èn wan tu trawan di e dini leki zendeling now. Den brada disi fruteri taki Yehovah e sorgu èn e blesi den wan di e dini en na wan getrow fasi (Odo 10:22; 1 Petrus 5:7). Wan zendeling ben taki: „Mi nanga mi wefi ben ondrofeni trutru taki Yehovah sorgu gi wi nanga yepi fu a leri di wi kisi na a Gileadskoro. Den sani di wi leri, tranga a bribi fu wi trutru. A de prenspari taki ala fu tuboi fu Gado, èn sosrefi zendeling, abi wan tranga bribi, fu di den o kisi tesi, problema, èn fu di den o broko den ede nanga sani.”
Tan go doro fu gi sma Bijbel leri di e tranga a bribi fu den
A programa ben kaba na wan moi fasi di Brada Samuel Herd, wan memre fu a Tiri Skin, ben taki nanga den arkiman fu a lezing di nen „Tan tranga a bribi fu un brada”. Fu san ede den studenti kisi a leri disi na a skoro? Brada Herd taki: „Unu kisi leri na a skoro disi so taki unu kan gebroiki a tongo fu unu fu prèise Yehovah, fu leri trawan den tru tori fu En te unu o go na a kondre pe un musu go, èn fu tranga a bribi fu makandra.” Ma a ben memre den studenti tu taki a tongo kan meki den taki sani di e broko trawan saka (Odo 18:21; Yakobus 3:8-10). A gi den studenti deki-ati fu gebroiki a tongo fu den neleki fa Yesus du dati. Wán leisi di den disipel fu Yesus ben e arki san a ben e taki, dan den taki: „A no dati meki wi ati ben prisiri trutru . . . di a ben meki wi frustan finifini san skrifi na ini Gado Buku?” (Lukas 24:32) Brada Herd taki: „Efu unu e taki sani di bun, dan unu sa gi un brada nanga sisa deki-ati na ini a kondre pe unu o go.”
Baka a lezing dati, den studenti kisi den diploma. Baka dati, wan fu den studenti leisi wan brifi fu a klas, fu taki den brada tangi gi ala den moi sani di den leri na a skoro. Na ini a brifi skrifi: „Wi abi a bigi frantwortu fu gebroiki den sani di wi leri na skoro, so taki wi kan du a zendelingwroko fu wi na wan getrow fasi. Wi de klariklari fu go na den moro farawe presi fu grontapu, èn wi e begi taki den muiti di wi o du sa meki taki wi Bigi Leriman, Yehovah Gado, kisi prèise bogobogo.” Den arkiman ben naki anu, fu di den ben de nanga tangi. Fu tru, a programa ben tranga a bribi fu ala sma di ben de drape.
[Prenspari pisi na tapu bladzijde 17]
„Efu unu e taki sani di bun, dan unu sa gi un brada nanga sisa deki-ati na ini a kondre pe unu o go”
[Faki na tapu bladzijde 15]
WAN TU SANI FU A KLAS
A nomru fu den kondre pe den studenti komoto: 9
A nomru fu den kondre pe den studenti o go: 26
A nomru fu studenti: 56
Gemiddeld yari di den abi: 33,4
Gemiddeld yari di den dopu: 16,8
Gemiddeld yari di den de na ini a furuten diniwroko: 13
[Prenki na tapu bladzijde 16]
A di fu 122 klas fu a Waktitoren Bijbelskoro Gilead
Den nen di de fu si na ondrosei, poti na ini rèi di nomru fu fesisei go na bakasei, èn na ini ibri rèi den nen poti fu a kruktu-anusei go na a reti-anusei.
(1) Howitt, R.; Smith, P.; Martinez, A.; Pozzobon, S.; Kitamura, Y.; Laud, C. (2) Fiedler, I.; Beasley, K.; Matkovich, C.; Bell, D.; Lippincott, W. (3) Sites, W.; Andersen, A.; Toevs, L.; Fusano, G.; Rodríguez, C.; Yoo, J. (4) Sobomehin, M.; Thomas, L.; Gasson, S.; Dauba, V.; Bertaud, A.; Winn, C.; Dobrowolski, M. (5) Yoo, J.; Dauba, J.; Mixer, H.; Newton, M.; Rodríguez, F.; Mixer, N. (6) Laud, M.; Lippincott, K.; Martinez, R.; Haub, A.; Schamp, R.; Pozzobon, L.; Toevs, S. (7) Howitt, S.; Kitamura, U.; Newton, D.; Haub, J.; Sites, J.; Thomas, D. (8) Sobomehin, L.; Matkovich, J.; Fusano, B.; Winn, J.; Schamp, J.; Andersen, D.; Dobrowolski, J. (9) Fiedler, P.; Bell, E.; Beasley, B.; Smith, B.; Bertaud, P.; Gasson, M.