Wan pikin meisje di lobi fu gi sani
Wan pikin meisje di lobi fu gi sani
NO SO LANGA PASA, wan meisje di abi neigi yari èn di e libi na ini Brasyonkondre, du wan sani di ensrefi ben bosroiti fu du. A prati a moni di a ben abi na tu, namku 18 Amerkan dala nanga 25 Amerkan dala. Baka dati, a poti den 18 dala na ini a bijdrage bus na a Kownukondre zaal fu a kontren fu en, fu horibaka gi a gemeente. A seni den 25 dala gi a bijkantoro fu Yehovah Kotoigi, makandra nanga wan syatu brifi di a ben skrifi. A brifi ben taki: „Mi wani gi a moni disi fu horibaka gi a wroko di e du na heri grontapu. Mi wani yepi furu brada nanga sisa na grontapu di e preiki a bun nyunsu. Mi e gi a moni disi fu di mi lobi Yehovah nanga mi heri ati.”
A papa nanga a mama fu a pikin meisje ben leri en o prenspari a de fu horibaka gi a Kownukondre preikiwroko. Den ben leri en tu fu ’gi Yehovah grani nanga den warti sani fu en’ (Odo 3:9). Meki wi teki na eksempre fu a pikin meisje disi, èn meki wi alamala horibaka fayafaya gi Kownukondre afersi na ini wi kondre èn na heri grontapu!