Furu sma e bribi taki te den opo Bijbel na iniwan presi, dan a fosi tekst di den si o sori den san den musu du. Den e si Bijbel leki wan tapu fu man kibri densrefi gi ogri, fu lusu den problema fu den, noso fu yepi den fu sabi san o pasa na ini a ten di e kon. Ma tru Kresten no e du den sani dati. Na presi fu dati, den e studeri Bijbel fu kisi soifri sabi èn fu meki Gado tiri den.—15/12, bladzijde 3.

A „grontapu” di o pasa gowe, a no a planeiti grontapu, ma na ala den sma na grontapu di no e du a wani fu Gado (1 Yoh. 2:17). A planeiti srefi nanga den sma di e gi yesi na Gado no o kisi pori.—1/1, bladzijde 5-7.

A e taki nanga wi nanga yepi fu a bribi fu en. Wi kan leri wan sani fu a bribi fu en èn wi kan pruberi fu sori a srefi bribi dati. A de wan moi eksempre gi wi na ini a ten disi.—1/1, bladzijde 12.

Wan tu fu den sani disi na wroko, prisiriten, te wi e moksi nanga wan famiriman di puru fu a gemeente, te wi e poti tumusi furu prakseri na computer nanga tra sani soleki cèl, telefisi nanga DVD, te wi e broko wi ede tumusi nanga wi gosontu, te wi e denki taki moni na a moro prenspari sani èn te wi e poti tumusi furu prakseri na a fasi fa wi e denki fu sani noso na a posisi di wi abi.—15/1, bladzijde 12-21.

Aladi Moses ben abi wan hei posisi, toku a no ben abi heimemre. A no frutrow na tapu ensrefi, ma a frutrow na tapu Gado. Noiti wi musu gi pasi taki makti, posisi, noso den koni di wi abi e frei go na wi ede. Na presi fu dati wi musu frutrow na tapu Yehovah (Odo 3:5, 6).—1/2, bladzijde 5.

Wán hondro fotenti na fo dusun sma nomo o libi na hemel. Ma furu sma o kisi libi baka na grontapu pe den o libi fu têgo.—1/3, bladzijde 6.

Den ben tranga-ede èn den no ben wani kenki. Den ben musu puru iniwan prakseri, firi, noso denki di ben kan meki taki den trangayesi den wèt fu Gado (Yer. 5:23, 24).—15/3, bladzijde 9, 10.

Yesus ben e du a wani fu Gado, a ben abi tranga lobi gi en Tata èn a ben lobi sma. A ben sabi tu taki en Papa lobi en èn taki a ben feni en bun. Dati na den prenspari sani di kan meki wan sma de koloku trutru.—1/4, bladzijde 4, 5.

A Tiri Skin, den Bijkantoro Komte, den kring-opziener nanga distrikt-opziener, den owruman fu a gemeente, den gemeente nanga den preikiman.—15/4, bladzijde 29.

Yehovah no e prisiri te ogrisma e dede (Esek. 33:11). Den sani di Gado du na ini a ten di pasa, e sori taki a e warskow sma na wan lobi-ati fasi, fosi a strafu den. Te wi e luku a fasi fa a strafu sma na ini owruten, dan disi e gi wi howpu taki Gado no o kiri wi te a o strafu ogrisma.—1/5, bladzijde 5, 6.

Nôno. Tra pipel na ini owruten ben abi a gwenti disi, ma den Israelsma no ben e du dati. Na a ten fu den tori di skrifi na ini den Hebrew Buku fu Bijbel, Israelsma ben abi a gwenti fu kiri ogriman fosi den anga den na wan postu. Son leisi den ben trowe ston na den tapu (Lef. 20:2, 27). Baka dati den ben e anga a dedeskin fu a sma na wan postu leki wan warskow gi trawan.—15/5, bladzijde 13.

Aladi libisma du wan lo sani, toku den no man bosroiti gi densrefi san bun èn san ogri (Yer. 10:23). Satan na a sma di e tiri grontapu. Sobun, libisma no o man tyari freide kon (1 Yoh. 5:19).—1/6, bladzijde 16.