Gado e broko en ede nanga yu
BIJBEL abi den moro bun rai gi wi, fu di na Gado meki sma skrifi en. A no wan buku di e taki san wi musu du fu tan gosontu, ma a kan yepi wi fu sabi san fu du te wi de na ini situwâsi di e meki taki wi e stress hebi, te wi e kisi fu du nanga takru prakseri, te wi e firi brokosaka doronomo èn te wi abi seryusu problema nanga a gosontu fu wi.
San moro prenspari, na taki Bijbel e gi wi a dyaranti taki Yehovah Gado, a a Mekiman fu wi, e frustan den prakseri nanga den firi fu wi moro bun leki iniwan tra sma. A de klariklari fu yepi wi fu lusu iniwan problema di e miti wi. Kow luku tu Bijbeltekst di kan trowstu wi:
„Yehovah de krosibei fu den sma di lasi-ati. A e frulusu den wan di brokosaka.”—PSALM 34:18.
„Mi, Yehovah, na yu Gado di e grabu yu reti-anu hori. Mi na a sma di e taigi yu: ’No frede. Misrefi o yepi yu.’”—YESAYA 41:13.
Ma fa Yehovah e yepi wi te wi abi problema nanga a gosontu fu wi? Ini den artikel di e kon yu o si taki Yehovah e yepi wi na difrenti fasi.
a Yehovah na a nen fu Gado.—Psalm 83:18.
