Furu fu wi si fa sma du kruktudu èn fa ogrisma kwinsi trawan di ben e pruberi fu du san reti. Oiti wan ten o kon te kruktudu nanga ogridu no o de moro na grontapu?

Psalm 37 na ini Bijbel e piki na aksi dati èn a e yepi wi fu libi na wan fasi di o tyari wini kon gi wi. Luku fa Bijbel e piki den prenspari aksi di e kon now.

• San wi musu du te sma e pina wi?​—Vers 1, 2.

• San o pasa nanga ogrisma?​—Vers 10.

• Fa sani o waka gi den sma di e du san reti?​—Vers 11, 29.

• San wi musu du nownow?​—Vers 34.

Den wortu fu Psalm 37 di skrifi nanga yepi fu santa yeye e sori krin sortu moi ten e wakti den sma di e „howpu na tapu Yehovah èn [e] tan waka a pasi fu en”. Yehovah Kotoigi de klariklari fu studeri Bijbel nanga yu so taki yu kan kon sabi san yu kan du fu sorgu taki yu nanga den lobiwan fu yu kisi têgo libi na ini a ten di e kon.