Sortu howpu de gi den dedewan?
Wi alamala e kisi fu du nanga dede. Ma dede na a kaba fu ala sani? Howpu de gi den dedewan?
LUKU SAN BIJBEL E TAKI:
GADO NO FRIGITI DEN DEDEWAN
„Ala den sma di de na ini den grebi . . . o komopo drape.”—Yohanes 5:28, 29.
Gado e memre den dedewan. Den sma di de na ini en prakseri o kisi libi baka.
DEN DEDEWAN O KISI LIBI BAKA NA GRONTAPU
„Gado sa gi wan opobaka na den sma di du san reti èn na den sma di no du san reti.”—Tori fu den apostel 24:15.
Milyunmilyun sma di dede o kisi libi baka, den o man libi fu têgo èn freide o de pasa marki.
WI KAN BRIBI TAKI SMA O KISI LIBI BAKA
„[Gado] e teri den stari. A e kari den alamala na den nen.”—Psalm 147:4.
Efu Gado man kari ala den stari na den nen, dan a no o muilek gi en fu memre den sma di a o gi libi baka.