Te wi e leisi Bijbel, dan wi kan gebroiki difrenti buku nanga tra sani fu kon sabi san den sani wani taki di wi e leisi. Ma wi no wani studeri nomo fu kon sabi moro fu Bijbel. Wi wani kon sabi moro fu den moi fasi fu Yehovah so taki wi kon lobi en moro. Fu man du dati wi kan aksi wisrefi: ’San a Bijbel tori disi e leri mi fu Yehovah?’

Fu eksempre yu kan ondrosuku moro fini fa Yehovah sori lobi, koni, retidu nanga makti. Ma Yehovah no abi den fasi disi wawan. Yu kan kon sabi someni tra moi fasi fu Yehovah. Pe yu kan feni tori di e taki moro fu den fasi fu en?

Luku na ini a buku Ondrosuku Bijbel moro fini​—Gi Yehovah Kotoigi, na a pisi di nen „Yehovah Gado”, èn go na a edeprakseri „Den fasi fu Yehovah”. Luku sortuwan fu den fasi yu e si na ini Bijbel tori di yu e leisi.