YESUS ben taki: „Wan sma sa de moro koloku te a e gi sani, leki te a e kisi sani” (Tori 20:35). Efu wi wani de bun mati fu Yehovah, dan wi musu lobi gi sani. Fu san ede? Yehovah gi wi furu sani di e meki taki wi de koloku, ma wi kan de moro koloku srefi te wi e gi Yehovah sani tu. San wi kan gi Yehovah? Odo 3:9 e taki: „Gi Yehovah grani nanga den gudu di yu abi.” Den „gudu” fu wi, kan de wi ten, den koni di wi abi, wi krakti, wi moni noso tra sani di wi abi. Te wi e gebroiki den sani dati fu horibaka gi a tru anbegi, dan wi e gi Yehovah wan sani èn dati o meki taki wi de koloku trutru.

Te a abi fu du nanga wi moni, dan san kan yepi wi fu no frigiti fu gi Yehovah wan sani? Na apostel Paulus ben taigi den Kresten fu Korente fu ’poti san den man na wan sei’ (1 Kor. 16:2). San yu kan du efu yu wani sabi na sortu difrenti fasi yu kan gi moni? Grantangi, luku a faki na ondrosei.

A no na ini ala kondre yu kan gi moni tapu a website fu wi. Ma efu yu wani sabi na sortu tra fasi yu kan gi moni, dan go na ondrosei fu a jw.org home page èn klik tapu a link „Bijdrage”. Son kondre abi wan dokumenti tapu a page disi pe sma kan kon sabi fa den kan gi moni.