Papa nanga mama abi a seryusu frantwortu fu gi den pikin fu den leri fu Yehovah (Ef. 6:4). Yehovah organisâsi tyari furu artikel, felem nanga singi kon na doro fu yepi papa nanga mama. Fa yu kan gebroiki den sani disi fu gi yu pikin leri?

• Go na jw.org fu feni den sani disi. Tapu JW.ORG yu kan feni ala den sani di meki spesrutu gi pikin, soleki felem, poster èn tra sani pe den kan skrifi noso teken wan sani. a Fu man feni den sani disi, dan skrifi „Pikin-nengre” noso „Yonguwan” na ini a faki pe yu kan suku sani.

• Gebroiki den sani di moro bun gi yu pikin. Na a pisi „Pikin-nengre” yu kan feni felem, singi, nanga tra artikel di yu kan gebroiki fu yepi yu pikin.

• Teki ten fu taki fu den sani disi nanga yu pikin. Luku bun taki yu no e poti yu pikin wawan fu luku den felem noso fu du den tra sani tapu a page disi, soso fu gi den wan sani fu du. Na presi fu dati, yu musu sidon nanga yu pikin fu taki fu den sani disi èn yepi en fu kon abi wan bun matifasi nanga Yehovah.